قوستاناي وبلىسىنىڭ اكىمى ورالمانداردى شاقىرادى

«بىزگە جۇمىس ىستەيتىن ادامدار كەرەك. الداعى ۋاقىتتا رۋدنىي قالاسىندا 3500 ورىنعا ارنالعان ينۆەستيتسيالىق جوبا جۇزەگە اساتىن بولسا جۇمىس كۇشىنىڭ تاپشىلىعى بايقالۋى مۇمكىن. باستى ماسەلە باسپاناعا كەلىپ تىرەلەدى. قاراجات ءبولىپ، ءۇي ماسەلەسىنە قاتىستى ورالمانداردىڭ ماسەلەسىن شەشەمىز»، - دەدى ن. ءسادۋاقاسوۆ.

ايتا وتەيىك، وتكەن 2- قازاندا قوستاناي وبلىسىنا ارنايى ساپارمەن بارعان ق ر پرەمەر- ءمينيسترىنىڭ ورىنباسارى گۇلشارا ءابدىحالىقوۆا جەرگىلىكتى تۇرعىندارمەن كەزدەسۋ بارىسىندا ورالماندار ماسەلەسى تۋرالى پىكىرىن بىلدىرگەن ەدى.

«ايماقتارداعى تۇرعىندار سانى تەڭسىزدىگىن جويۋ ماقساتىندا ۇكىمەت ورالمانداردى قونىستاندىرۋ ايماقتارىن ناقتىلاپ الدى. ونىڭ ىشىندە قوستاناي وبلىسى دا بار. وڭىرگە كەلگەن قانداستارىمىزعا الەۋمەتتىك قولداۋ كورسەتىلىپ وتىر. اتاپ ايتقاندا، كاسىپ ەتەمىن دەۋشىلەرگە شاعىن نەسيەلەر بەرىلىپ، كولىك قاتىناسى شىعىندارى وتەلۋدە» ، - دەگەن بولاتىن گ. ءابدىحالىقوۆا.

ال، وبلىس اكىمىنىڭ ءبىرىنشى ورىنباسارى ە. اماننىڭ ايتۋىنشا، 1991-جىلدان بەرى وڭىرگە 8231 ورالمان وتباسى كوشىپ كەلگەن ەكەن، ولاردىڭ 74 پايىزىن وزبەكستان ەلىنەن كەلگەن. وتكەن جىلى 421 وتباسى قونىس تەپسە، بيىل نەبارى 72 وتباسى عانا تاريحي وتانىنا ورالىپتى.

نۇرسەرىك جولبارىس

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى