قازاقستاندا قانشا قار بارىسى قالدى؟

قازاقستان رەسپۋبليكاسى زوولوگيا ينستيتۋتىنىڭ عىلىمي قىزمەتكەرى يۋري گراچيەۆتىڭ ايتۋىنا قاراعاندا، بۇگىنگى تاڭدا شامامەن 100-120 قار بارىسى بار.

عالىمنىڭ مالىمەتى بويىنشا، قار بارىسى وڭتۇستىك قازاقستان، جامبىل، الماتى جانە شىعىس قازاقستان وبلىستارىنىڭ اۋماعىندا مەكەن ەتەدى.

-  اتاپ ايتقاندا، قار بارىسىنىڭ جەرى باتىس تيان-شاننان باستاپ، التايعا دەيىن ارالىقتا دەپ اتاۋعا بولادى. تيان-شان، جوڭعار الاتاۋى، تارباعاتاي، ساۋىر، التاي -  مىنە، وسى اتالعان بەس تاۋ قۇرىلىمىنىڭ بارلىعىندا دا قار بارىسى بار، -  دەيدى يۋري گراچيەۆ.

ءبىراق قازاقستاننىڭ قار بارىسى بۇگىنگى تاڭدا نەگە كوبەيمەي وتىر؟ ونىڭ قانداي سەبەبى بار؟

- ولاردىڭ سانىنىڭ ارتپاي وتىرعان سەبەبىنىڭ ەڭ نەگىزگىسى - براكونەرلىك. ونىڭ ىشىندە تەرىسى ءۇشىن بارىستى بارىمتالاپ، قاراقشىلىق شابۋىل جاسالاتىن وقيعالار كوبەيىپ كەتتى. سونىمەن قاتار قازىر تۋريستەردىڭ تاۋلارعا كوپتەپ شىعۋىنان اڭداردى شوشىتۋ فاكتورى ءجيى كەزدەسىپ وتىر، - دەيدى عالىم.

عالىمنىڭ ايتۋىنا قاراعاندا، مەملەكەت قار بارىسىن زەرتتەۋگە بار-جوعى 5 ميلليون تەڭگە عانا بولگەن كورىنەدى. اتالعان قارجى قار بارىسىن زەرتتەۋگە عانا جەتەدى. وتە از.

«ايقىن»

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى