بريۋسسەلدە قازاقستان مەن ناتو ارىپتەستىگى تالقىلاندى
وتىرىس ءتوراعاسى بولعان ناتو-نىڭ ورتالىق ازيا مەن كاۆكاز ەلدەرى بويىنشا باس حاتشىسىنىڭ ارنايى وكىلى دجەيمس اپپاتۋراي اليانستىڭ قازاقستانمەن ىنتىماقتاستىققا ءمان بەرىپ وتىرعانىن ايتىپ، ق ر مۇنداي جوسپاردى جۇزەگە اسىرىپ وتىرعان بىردەن-ءبىر ەل ەكەنىن اتاپ ءوتتى.
ناتو جانىنداعى ميسسيا باسشىسى، قازاقستاننىڭ بەلگياداعى توتەنشە جانە وكىلەتتى ەلشىسى الماز حامزايەۆ قازاقستاندىق كوپ ۆەكتورلى ساياساتتا ەۋرواتلانتيكالىق باعىتتاعى ىنتىماقتاستىقتىڭ ماڭىزدىلىعىن جەتكىزدى.
اتالمىش جوسپاردىڭ جۇزەگە اسىرىلۋى بويىنشا ق ر قورعانىس مينيسترلىگىنىڭ حالىقارالىق ىنتىماقتاستىق دەپارتامەنتىنىڭ باسشىسى پولكوۆنيك ءادىل بەكوۆ بايانداما جاساپ، ناتو ەلدەرىن ق ر قارۋلى كۇشتەرىنىڭ بەيبىت ماقساتتاعى دايارلىعى مەن وقۋ-جاتتىعۋلارى تۋرالى، سونداي-اق قازاقستاننىڭ ايماقتىق جانە حالىقارالىق قاۋىپسىزدىككە دەگەن كوزقاراستارىنان حاباردار ەتتى.
تاراپتار ساياسي ديالوگتى ودان ءارى جالعاستىرۋ جانە قازاقستاننىڭ قارۋلى كۇشتەرىنىڭ بەيبىت ماقساتتاعى الەۋەتىن دامىتۋ بويىنشا جۇمىستاردىڭ ءارى قاراي جۇرگىزىلۋىنە قولداۋ ءبىلدىردى.
