التىنبەك سارسەنبايەۆتىڭ ولىمىنە كىنالى ادام بوستاندىققا شىعۋى مۇمكىن
ۆەدومستۆو باسشىسىنىڭ اتاپ وتۋىنشە، سوت ءبىر اي كولەمىندە شەشىم شىعارۋى ءتيىس.
"پارلامەنت سەناتى اپپاراتىنىڭ بۇرىنعى جەتەكشىسى شارتتى تۇردە مەرزىمىنەن بۇرىن بوساپ شىعۋعا ءوتىنىش جازدى. ءتيىستى ارىزى سوتقا جولداندى"، - دەپ، "ۆلاست ك ز" قىلمىستىق- اتقارۋ جۇيەسى كوميتەتىنىڭ ءتوراعاسى تەڭىزجان جانىبەكوۆكە سىلتەپ، حابارلادى.
قىلمىستىق-اتقارۋ جۇيەسى كوميتەتىندەگىلەر وتەمبايەۆتىڭ ءتارتىپ بۇزباي، تۇرمەنىڭ ىشكى ەرەجەسىن ساقتاپ جۇرگەنىن جەتكىزگەن.
بۇعان دەيىن ونى شارتتى تۇردە مەرزىمىنەن بۇرىن بوساتۋ 2014 - جىلدىڭ 22 - قازانىنان كەيىن مۇمكىن بولادى دەپ حابارلانعان.
ەسكە سالساق، سەنات اپپاراتىنىڭ ەكس-جەتەكشىسى، ساياساتكەر التىنبەك سارسەنبايەۆتى جانە ونىڭ ەكى كومەكشىسىن ولتىرۋگە ىقپالداسقانى ءۇشىن 20 جىلعا سوتتالعان.
2013 - جىلدىڭ جەلتوقسانىندا قىلمىسقا قاتىستى جاڭا دەرەكتەر پايدا بولدى. ءسويتىپ، وتەمبايەۆتىڭ ءىسى قايتا قارالدى.
التىنبەك سارسەنبايەۆ پەن ونىڭ ەكى كومەكشىسىن اتقان رۋستام يبراگيموۆ ساياساتكەردى ولتىرۋگە شىن مانىندە كىم تاپسىرىس بەرگەنىن بىلتىر مالىمدەدى.
ونىڭ ايتۋىنشا، تاپسىرىس بەرگەن - بۇرىنعى ديپلومات راحات اليەۆ پەن ۇلتتىق قاۋىپسىزدىك كوميتەتىنىڭ بۇرىنعى ءتوراعاسى ءالنۇر مۇسايەۆ.
يبراگيموۆتىڭ دەرەگىنەن كەيىن سوت وتەمبايەۆقا تاعايىندالعان جازانى وزگەرتىپ، قاماۋ مەرزىمىن جەتى جىلعا قىسقارتقان-دى.
Nur.kz
