كراسنويار زووباعىنان گولوۆكينگە «باسەكەلەس» تابىلدى - كەسكىن
ينتەرنەتتە جاريالانعانىنا كوپ بولماسا دا، بۇل ۆيدەونى از ۋاقىتتا 500 مىڭنان استام ادام كورىپ شىققان. قازىر كراسنويارلىقتار ايۋدى كورۋ ءۇشىن كۇن سايىن زووباققا ارنايى كەلىپ تۇراتىن كورىنەدى.
بۇل قوڭىر ايۋ قىزىل كىتاپقا ەنگىزىلگەن سيرەك كەزدەسەتىن جانۋارلار تىزىمىندە بار. ول پامير، تيان-شان جانە گيمالاي تاۋلارىنداعى ورمانداردا مەكەن ەتەدى. سونىمەن قاتار، ايۋدىڭ تاعى ءبىر ەرەكشەلىگى، قىستا ۇيىقتامايدى. ولار مەكەندەيتىن ورتادا قىسى-جازى ازىق جەتكىلىكتى مولشەردە بولادى، دەپ حابارلايدى RT ارناسى.
پاميردىڭ بورەنەمەن جانە دوڭگەلەكپەن جاتتىعۋ جاساعانىنا قاراپ، قۇددى ءبىر جەكپە-جەككە تىنىمسىز دايىندالىپ جاتقان سپورتشىعا ۇقساتۋعا بولادى. ونىڭ تىنىمسىزدىعى وتانداسىمىز گەننادي گولوۆكيننىڭ ءوز جەكپە-جەكتەرىنە دايىندىعىن كوز الدىمىزعا ەلەستەتەدى.
بۇلاي دەيتىن سەبەبىمىز - گەنا دايىندىق كەزىندە ۇنەمى زىلبالعامەن دوڭگەلەك ۇرىپ دايىندالادى ەكەن. ونىڭ سوققىسىنىڭ اۋىرلاۋىنا سول ءبىر جاتتىعۋى كومەكتەسەدى.
قازىر بۇل قوس «باسەكەلەستىڭ» ۆيدەوسىن نازارلارىڭىزعا ۇسىنامىز. «باسەكەلەستەردىڭ» تاعى ءبىر ۇقساستىعى - ولار جايلى ۆيدەونى تاماشالاعىسى كەلەتىندەردىڭ كوپتىگىندە.
ەستەرىڭىزدە بولسا، جىل باسىندا قازاقستاندىق بوكسشى جايلى تۇسىرىلگەن «گەننادي گولوۆكينمەن 2 كۇن» اتتى ۆيدەونى 2 اپتا ىشىندە 4 ميلليوننان استام ادام تاماشالاپ، بۇرىن-سوڭدى بولماعان رەكورد جاساعان بولاتىن.
