ءيت ناشاقور يەسىن پوليتسەيلەرگە ۇستاپ بەردى
پوليتسيا وكىلى پاۋلا بارلوۋدىڭ ايتۋىنشا، وفيتسەرلەر وردەرمەن ەدۆين حەندەرسوننىڭ ءۇيىن تىنتۋگە كەلگەن كەزدە ول قاشۋعا ارەكەتتەنگەن. پوليتسەيلەر كۇدىكتىنىڭ ىزىنە تۇسەدى.
بو اتتى ءيت ادەتتەگىدەي يەسىنىڭ سوڭىنان جۇگىرەدى. قىلمىسكەر ءتارتىپ ساقشىلارىنان بيىك ءشوپتىڭ اراسىنا جاسىرىنباق بولادى، الايدا ءيت يەسىن يىسكەپ تاۋىپ، قاسىنا كەلىپ جايعاسادى، بۇل كەزدە ءيتتىڭ سوڭىنان پوليتسەيلەر دە جەتكەن.
ۇستالعان ازامات ەسىرتكى زاتتارىن دايىنداپ، ساقتادى جانە تۇتىندى دەپ ايىپتالىپ وتىر. ول ەندى پوليتسيا قىزمەتكەرلەرىنىڭ بۇيرىعىن ورىنداماعانى ءۇشىن دە زاڭ الدىندا جاۋاپ بەرەدى.
يەسىز قالعان ءيتتى كىم اسىراپ الاتىنى ازىرگە بەلگىسىز كۇيىندە قالىپ وتىر.
BNews.kz
