باس ءمۇفتي: ءدىنىمىزدىڭ وسى كۇنگە دەيىن ساقتالۋىنا اسەر ەتكەن كۇش - ءداستۇر
جيىنعا جاڭاوزەن قالاسىنىڭ اكىمى سەرىكباي تۇرىموۆ، وبلىس يمامى سمايىل سەيتبەكوۆ، وبلىستىق مۇراعاتتار مەن قۇجاتتاما باسقارماسىنىڭ باسشىسى القاجان ەدىلحان سونداي-اق قالا تۇرعىندارى مەن اقساقالدار قاتىستى.
جيىندا باس ءمۇفتي بيىلعى «ءدىن مەن ءداستۇر» جىلى اياسىندا جاستاردى ادامگەرشىلىككە، يماندىلىق پەن يناباتتىلىققا تاربيەلەيتىن، وتانسۇيگىشتىككە باۋليتىن، سپورتپەن شۇعىلدانۋعا ۇندەيتىن ۇلكەن ءىس-شارالار وتكىزىلىپ كەلە جاتقاندىعىن ايتتى.
ەلىمىزدەگى جات اعىمداردان بويدى اۋلاق سالىپ، دىڭگەگىمىزدى ساقتاۋ، يماندىلىقتى جاس ۇرپاقتىڭ بويىنا ءسىڭىرۋ بۇگىنگى ورتا بۋىننىڭ مىندەتى ەكەنىن جەتكىزدى. «ءدىنى مەن داستۇرىنە بەرىك ۇرپاق جات اعىمداردىڭ جەتەگىنە ەرىپ، ادەپسىز ارەكەتتەرگە بوي الدىرمايدى. بارشاڭىزعا بەلگىلى، كەڭەس كەزىندە ءدىنىمىزدىڭ ساقتالىپ قالۋىنا، وسى كۇنگە دەيىن جەتۋىنە نەگىزگى اسەر ەتكەن كۇش - ول ءداستۇر بولاتىن»، - دەيدى باس ءمۇفتي ەرجان قاجى مالعاجى ۇلى.
كونفەرەنتسياعا جينالعان قالا تۇرعىندارى تاراپىنان سۇراقتار قويىلدى.
ايماق اقساقالدارى جاستاردىڭ وزگە دىنگە كەتىپ جاتقاندىعى، كىسىسى قايتىس بولعان ءۇيدىڭ ساداقا بەرۋدەگى ىسىراپشىلدىقتارى، وزگە ۇلتتارعا ات قويىپ كەمسىتۋ، ت. ب. ساۋالدارىنا باس ءمۇفتي تاراپىنان جاۋاپ الدى.
جينالعان قاۋىمىنىڭ سۇراقتارىنا جاۋاپ بەرىپ، ساليقالى دا سارابدال ويلارىن ورتاعا تاستاعان باس ءمۇفتي ەرجان قاجى مالعاجى ۇلى جاڭاوزەندىكتەرگە شۇكىرشىلىك نىعمەتى جايىندا ۋاعىز ناسيحات ايتىپ، ەل تىنىشتىعىنا ءارقايسىسىمىز ۇلەسىمىزدى قوسا بىلەيىك دەدى.
Baq.kz
