امەريكالىقتاردىڭ قازاقستاندا تۇسىرىلگەن تەلەحيكاياسى جەلتوقساندا كورسەتىلەدى - كەسكىن

 10 سەريالىق «ماركو پولو» كارتيناسىن اعايىندى پروديۋسەرلەر حارۆي جانە بوب ۆاينشتەيندەر - Miramax جانە Weinstein company ستۋديالارىن قالاۋشىلار ءتۇسىردى. كينونى تۇسىرۋگە امەريكالىق Netflix كومپانياسى تاپسىرىس بەرگەن. درامادا قىتاي اۋماعىندا تۇرعان 13- عاسىردىڭ ۆەنەتسيالىق ساياحاتشى جانە جازۋشى ماركو پولونىڭ ءومىرى جايلى باياندالادى.

قازاقستان تاراپىنان فيلمدى تۇسىرۋگە جەلىلىك پروديۋسەر احات يبرايەۆ پەن ونىڭ Adigul family films ستۋدياسى ۇلەسىن قوستى. ايتا كەتۋ كەرەك، امەريكالىقتار احاتقا سەرىكتەس بولۋ ۇسىنىسىن وزدەرى جاساعان.

 «ماركو پولو 17 جىل قۇبىلاي حان حاندىعىندا ءومىر سۇرگەن. وسى ۋاقىتتا جايلاۋدا تۇراتىن موڭعولدار، تۇركى ءتىلدى تايپالار تۋرالى جازعان. وقيعا ورتالىق ازيادا ءوربيدى. سوندىقتان قازاقستاندا ءتۇسىرۋ شەشىمدەرى ورىندى»، - دەدى احات يبرايەۆ.

 قازاقستان تاراپىنان «ماركو پولونى» تۇسىرۋگە 400 ادام قاتىسقان. پروديۋسەر اتاپ وتكەندەي: كينو تۇسىرۋشىلەرگە الماتى وبلىسىنىڭ اكىمدىگى، ق ر س ءى م جانە «قازاق فيلم» جاردەمدەسكەن.

 «ماركو پولو» تەلەحيكاياسى 2014 - جىلدىڭ جەلتوقسان ايىندا سولتۇستىك امەريكا، ەۋروپا جانە وڭتۇستىك- شىعىس ازيا ەلدەرىندەگى Netflix كە جازىلعان كورەرمەندەرگە ۇسىنىلادى. احات يبرايەۆ فيلم قازاقستانعا دا جەتەدى دەگەن پىكىردە.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى