كەنتاۋلىقتار كەننىڭ قالدىعىن جۇتىپ، كۇلگە قاقالمايتىن بولدى - و ق و

بيىل بايىلدىر كەن قالدىقتار قويماسىن كونسەرۆاتسيالاۋ جۇمىستارى اياقتالىپتى.

بۇل تۋرالى تابيعي رەسۋرستار جانە تابيعاتتى پايدالانۋدى رەتتەۋ باسقارماسىنىڭ باسشىسى مۇحيت وتارشيەۆ ءمالىم ەتتى، دەپ حابارلادى otyrar.kz.

اۋماعى 106 گەكتار قالدىق قويماسىن جابۋ ءۇشىن وبلىستىق بيۋدجەتتەن قارجى قارالىپ، 2013 -جىلدان بەرى كونسەرۆاتسيالاۋ جۇمىستارى جۇرگىزىلىپ كەلەدى.

«بيىل جىل سوڭىنا دەيىن كەن قالدىقتارىن ساقتاۋ قويماسى تولىق كونسەرۆاتسيالانىپ، ەكولوگيالىق تۇيتكىلدىڭ ءتۇيىنى شەشىلەدى»، - دەيدى تابيعي رەسۋرستار باسقارماسىنىڭ باسشىسى. ەندى كەندى قالانىڭ تۇرعىندارى قارا تۇتىنگە شومىلمايدى دەپ ۋادە ەتتى ول. ويتكەنى، جۇمىستى تاپسىرۋشى دا، قاداعالاۋشى دا، قابىلداۋشى دا ءدال وسى باسقارما.

«ۋادە بەرەمىن. ۋادە بەرۋگە مۇمكىندىك بار. ءبىز قالدىق جاتقان جەردىڭ بەتىنە 30 س م شاعىل تاس توسەدىك. كەي جەرلەرگە 40 س م توسەلدى. جۇمىس اياقتالۋ مەجەسىندە. بۇگىنگى تاڭدا مەملەكەتتىك قابىلداۋعا قۇجاتتار دايىندالۋدا.

ءيا، راس، جەل تۇرسا بولدى، شاڭ قالانى باسىپ قالاتىن. ەندى مۇنداي ماسەلە بولمايدى»، دەدى تابيعي رەسۋرستار جانە تابيعاتتى پايدالانۋدى رەتتەۋ باسقاراماسىنىڭ باسشىسى مۇحيت وتارشيەۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى