جاس اقىندار اراسىندا ۇلتتىق سپورتتى ناسيحاتتايتىن ءمۇشايرا ۇيىمداستىرىلماق

اتالعان ءىس- شارا اياسىندا جاس اقىندار اراسىندا ۇلتتىق سپورتتى ناسيحاتتايتىن ءمۇشايرا ۇيىمداستىرىلىپ وتىر، دەپ حابارلايدى اتالمىش قاۋىمداستىقتىڭ باسپا ءسوز قىزمەتىنەن.

ءمۇشايراعا جاسى 35 كە دەيىنگى جازبا اقىندار قاتىسا الادى. اقىندار وندا ۇلتتىق سپورتتىڭ كەز كەلگەن ءتۇرىن سيپاتتاعان، ياعني، بايگە، اۋدارىسپاق، كوكپار، تەڭگە ءىلۋ، قىز قۋۋ، جامبى اتۋ، اسىق اتۋ، توعىزقۇمالاق سەكىلدى ۇلتتىق ويىندار جايلى بۇرىن ەشقايدا جاريالانباعان جىرلارىن ۇسىنا الادى.

بايقاۋدىڭ ماقساتى - ۇلتتىق سپورت تۇرلەرىن ناسيحاتتاۋ ارقىلى جاستاردىڭ ءداستۇرلى ونەرگە دەگەن سۇيىسپەنشىلىگىن ارتتىرۋ، ۇلتتىق رۋحتى بيىكتەتۋ، جاستاردىڭ پوەزياعا دەگەن قۇشتارلىعىن ارتتىرىپ، ولارعا قولداۋ كورسەتۋ جانە ءالى تانىلا قويماعان اقىنداردى، اسىرەسە، جاس دارىنداردى انىقتاۋ.

بايقاۋ ەكى ولەڭنەن تۇرادى. ونىڭ العاشقىسى - «دارابوز ءداستۇر» ولەڭىندە حالقىمىزدىڭ كونەدەن كەلە جاتقان پاراساتتى سالت- ءداستۇرى، ۇلتتىق قۇندىلىقتار مەن ۇلتتىق سپورت تۇرلەرى جىرعا وزەك بولۋى ءتيىس. ال ەكىنشى ولەڭ - ەركىن تاقىرىپتا.

باس جۇلدەگە -  150000 تەڭگە، 1- ورىنعا  100000 تەڭگە، ال ەكىنشى جانە ءۇشىنشى ورىندار ءۇشىن سايكەسىنشە  70000 تەڭگە مەن  50000 تەڭگەدەن تىگىلىپ وتىر. بايقاۋعا قاتىساتىن ولەڭدەر 2014 - جىلعى 10 - جەلتوقسانعا دەيىن قابىلدانادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى