پرەزيدەنت نۇرسۇلتان نازاربايەۆ - قازاقستاننىڭ باعىنا جارالعان تۇلعا - قىرعىزستان پرەزيدەنتى المازبەك اتامبايەۆ

 «نۇرسۇلتان ءابىش ۇلى نازاربايەۆ - ۇلى تۇلعا. ول باۋىرلاس قىرعىز ەلىنە تەك كومەك كورسەتۋگە تىرىساتىن كەڭپەيىل جان. قاي كەزدە كەزدەسسەم دە، تۇراقتىلىق پەن ەلدىڭ گۇلدەنۋىن تىلەپ، اعىنان جارىلادى. قاي ماسەلە بولسا دا، تەرەڭنەن تۇسىنۋگە تىرىسادى. ماعان ونىڭ كەمەل كەڭەستەرىنىڭ كوپ سەپتىگى تيەدى. قازاقستان - تۇڭعىش پرەزيدەنتىمەن جولى بولعان ەل»، - دەدى ا. اتامبايەۆ.

 قازاقستان پرەزيدەنتىنىڭ ينتەگراتسيالىق ۇدەرىستە سىندارلى ۇسىنىستارى، ەڭبەگى مەن باعا جەتپەس ۇلەسىن ايتا كەلە، قىرعىزستاندىق كوشباسشى: «نۇرسۇلتان ءابىش ۇلى، ەۋرازيالىق وداق - كەدەن وداعىن قۇرۋ تۋرالى يدەيا تۋىنداماي تۇرىپ، ورتا ازيالىق وداق قۇرۋدى ۇسىنعانىن كوپشىلىگى بىلمەيتىن دە شىعار. وكىنىشكە وراي، ول كەزەڭدە ورتالىق ازيانىڭ كوشباسشىلارى نەگە ەكەنىن بىلمەيمىن، بۇل يدەيانى قولدامادى. بۇل ۇلكەن قاتەلىك دەر ەدىم»، - دەپ اعىنان جارىلدى.

قازاقستان كوشباسشىسىنىڭ سۇڭعىلالىعىنا ءتانتى بولعان ق ر پرەزيدەنتى ا. اتامبايەۆ: «نازاربايەۆتىڭ دانالىعى مەن ۇلىلىعى ونىڭ كوپ جاعدايدى ون جىل الدان بولجاي بىلەتىندىگىندە. بۇل تەك ەۋرازيالىق وداق پەن كەدەن وداعىنا قاتىستى ەمەس، مۇنى ەلوردانى استاناعا اۋىستىرۋىنان دا كورۋىمىزگە بولادى»، - دەپ اتاپ ءوتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى