قازاق- ەگيپەت ۋنيۆەرسيتەتى ماڭعىستاۋ سوپىلارىنىڭ مۇراسىن زەردەلەيدى - فوتو
وبلىس اكىمى اليك ايداربايەۆتىڭ قابىلداۋىندا بولعان باس ءمۇفتي بريفينگ بارىسىندا جۋرناليستەردىڭ سۇراقتارىنا جاۋاپ بەردى. اتاپ ايتقاندا، ول وڭىردە تاعى دا جاڭا بىرنەشە مەشىت سالىناتىنىن ايتتى.
«وڭتۇستىك قازاقستان وبلىسىندا مىڭعا جۋىق مەشىت بار، سىزدەردە نە بارى 18 مەشىت. جاڭا مەشىتتەر سالىناتىن بولادى. بۇل ۋاقىت تالابى»، - دەپ اتاپ ءوتتى باس ءمۇفتي.
ونىڭ ايتۋىنشا، وبلىستا ءدىني احۋال قالىپتى، سونىمەن بىرگە وڭ وزگەرىستەر بايقالادى. كوپ جاعدايدا، بۇل جەرگىلىكتى اتقارۋشى بيلىكتىڭ ەڭبەگى، ولار ءدىن وكىلدەرىمەن تىعىز بايلانىستا جۇمىس ىستەيدى.
سونداي- اق ول كوڭىل اۋدارارلىق فاكتىگە توقتالدى. ەرجان قاجىنىڭ ايتۋىنشا، ماڭعىستاۋ وبلىسى اۋماعىندا تۇراتىن سوپىلاردىڭ ءومىرى مەن قىزمەتى وتكەن جىلى «نۇر» ۋنيۆەرسيتەتىنىڭ جانىنان اشىلعان زەرتتەۋ ورتالىعىندا تىڭعىلىقتى زەردەلەنەتىن بولادى.
«بۇل عىلىمي جۇمىسقا قازاقستان ءمۇفتيى باستاماشىلىق ەتتى. بەكەت اتا، ەرجان قازىرەت، قارامان جانە شاقپاق اتا سياقتى ۇلى تۇلعالاردىڭ ءومىرى، ەڭبەگى مەن تۇتاستاي رۋحاني مۇراسىن ۋنيۆەرسيتەتتىڭ عالىمدارى زەرتتەمەك»، - دەپ اتاپ ءوتتى ول.
اقتاۋدان كەيىن باس ءمۇفتي جاڭاوزەنگە اتتاندى. وندا قالا اكىمى سەرىكباي ترۋموۆپەن جانە ارداگەرلەر كەڭەسىنىڭ مۇشەلەرىمەن جۇزدەسپەك.
