قىتايلىق كومپانيا وسكەمەندە قۇس فابريكاسىن سالادى

بىرلەسكەن قازاقستاندىق- قىتايلىق جوبانى باستاۋ تۋرالى كەلىسىمگە بۇگىن، وسكەمەندە وبلىس اكىمى بەردىبەك ساپاربايەۆ، شىنجاڭ «سان باو» ساۋدا- ونەركاسىپتىك كورپوراتسياسىنىڭ پرەزيدەنتى كان حاپين جانە
«Tie gi li shi» كومپانياسىنىڭ پرەزيدەنتى لي ۆەن قول قويدى.

قول قويۋ راسىمىندە بۇل كەلىسىمنىڭ شىنجاڭ ساۋدا- ونەركاسىپتىك كورپوراتسياسى مەن ش ق و اكىمشىلىگىنىڭ لايىقتى ينۆەستور ىزدەگەن ەلەۋلى ەكى جىلدىق جۇمىسىنىڭ ناتيجەسى ەكەندىگى اتاپ ءوتىلدى. «سان باو» پرەزيدەنتىنىڭ ايتۋىنشا ول شىعىس قازاقستانعا ناق سونداي ينۆەستور تاپقان.

كومپانيانىڭ ق ح ر- دا جۇمىرتقا وندىرەتىن 16 فەرماسى مەن قۇراما جەم شىعاراتىن 50 دەن استام زاۋىتى بار.

«بۇل جوبا ەكسپەريمەنتالدىق بولماق، قازاقستان اۋماعىندا اۋقىمدى پەرسپەكتيۆالىق جوبانى كەيىنىرەك باستايمىز» ، - دەپ اتاپ ءوتتى كان حاپين مىرزا.

بىرلەسكەن جوبا تۋرالى شارت بويىنشا قازاقستاندىق تاراپ زاۋىت سالۋعا جەر تەلىمىن بەرەدى. سۋ، ەلەكتر ەنەرگياسى، جول سياقتى ينفراقۇرىلىمدار سالۋدى قامتاماسىز ەتەدى. بۇدان باسقا، ينۆەستورلار سالىق سالۋدىڭ ءتورت ءتۇرى بويىنشا سالىق پرەفەرەنتسياسىن الادى.

ءوڭىر باسشىسى ب. ساپاربايەۆ ينۆەستورلارعا كوكتەم باستالىسىمەن تىكەلەي قۇرىلىسقا كىرىسۋ ءۇشىن قىس ىشىندە قۇجاتتاماعا قاتىستى جۇمىستاردى اياقتاۋدى ۇسىندى.

ۋاعدالاستىق شارتتارىنا سايكەس جاڭا كاسىپورىن قىزمەتكەرلەرىنىڭ 90 پايىزى جەرگىلىكتى تۇرعىندار بولۋى ءتيىس. سونداي- اق، كومپانيا «قازاقستاندىق قامتۋ» باسىمدىعىن دا ەسكەرۋى قاجەت.

جۇمىرتقا وندىرەتىن كاسىپورىن زاۆيدنوە اۋىلى ماڭىندا سالىنادى. بۇل وسكەمەن قۇس فابريكاسى ورنالاسقان قاسىم قايسەنوۆ اتىنداعى كەنتتەن بىرنەشە شاقىرىم جەردە ورنالاسقان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى