عالىمدار شۇباتتان دارۋمەن ءوندىرۋدىڭ جاڭا ءادىسىن تاپتى

كۇن ساۋلەسىنەن قۋات الۋدىڭ دا ءتيىمدى ءتاسىلىن ۇسىنىپ وتىر. عالىمدار مۇنى مۇحتار اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتىندە وتكەن حالىقارالىق كونفەرەنتسيا كەزىندە كورسەتتى.

ابدەز راحمان ۇلى، ءتىلشى

- كونفەرەنتسيانىڭ تاقىرىبى «وندىرىستىك تەحنولوگيالار جانە ينجينيرينگ» دەپ اتالادى. الەمنىڭ بىرنەشە ەلىنەن كەلگەن عالىم يننوۆاتسيالىق جوبالارىن ورتاعا سالدى. ءبىزدىڭ عالىمدارمەن بىرلەسىپ جۇرگىزىپ جاتقان زەرتتەۋلەرى دە بار ەكەن.

ەندجۋن گاو، عالىم /قىتاي/

- ءبىز كۇرىشتىڭ قابىعىنان وتە پايدالى ءونىم الۋدىڭ تەحنولوگياسىن بىرلەسىپ جاساپ جاتىرمىز. ناتيجەسى كەرەمەت. ەندى وسى زەرتتەۋلەر اۋقىمىن كەڭەيتۋدى ويلاستىرىپ جاتىرمىز. ويتكەنى قازاقستاندىق عالىمدارمەن تەز ءتىل تابىسىپ، تىڭ دۇنيەلەر ويلاپ تاپتىق.

ابدەز راحمان ۇلى، ءتىلشى

- وڭتۇستىك قازاقستان مەملەكەتتىك ۋنيۆەرسيتەتىندە ەكسپو-2017 حالىقارالىق كورمەسىنە ۇسىناتىن 11 جوبا دايىندالىپ جاتىر. وعان 72 ميلليون تەڭگە قاراستىرىلىپتى. مىنا قوندىرعىنى جاساعاندا عالىمدار: «كۇندى اڭدۋ» تەحنولوگياسىن پايدالانعاندارىن ايتادى. ونى ىسكە اسىراتىن باعدارلامانى وزدەرى جاساعان.

ابدىشۇكىر سارىبالايەۆ، تەحنيكا عىلىمدارىنىڭ كانديداتى

- بۇدان باسقا دا قوندىرعىلار بار. ولار ستاتسيونارلىق. ال بۇل كۇن شىعىسىمەن باتقانعا دەيىن كۇننىڭ كوزىنە قاراپ، سونىڭ تروەكتورياسىمەن جۇرەتىن قۇرىلعى. وپتيمال، ەنەرگيانى ءتيىمدى پايدالانۋ ءۇشىن جاراتىلعان قۇرال.

ابدەز راحمان ۇلى، ءتىلشى

- مالشىلاردىڭ ءۇيى مەن الىستاعى شاعىن اۋىلداردى جارقتاندىرۋعا تاپتىرمايتىن دۇنيە. عالىمدار سول مالشىلاردىڭ ونىمدەرىنەن ەمدىك سۋسىندار دا دايىنداپ جاتىر. ءمۇساتىللا توقانوۆ تۇيەنىڭ سۇتىنەن قان- تامىر اۋرۋلارى مەن قانت ديابەتىنە شيپا بولاتىن دارۋمەندى سۋسىن جاساۋدىڭ يننوۆاتسيالىق تەحنولوگياسىن كورسەتتى. ونى دامىتىپ، تۇيە سۇتىنەن ۇنتاق پەن تابلەتكا دا شىعارىپتى. 250 ميلليون تەڭگە بولسا ءوندىرىستى بۇگىن باستاپ كەتۋگە دە بولادى ەكەن. شىعاراتىن زاتتارى تاپتىرمايتىن تابيعي ءدارى.

ءمۇساتىللا توقانوۆ، عالىم

- لاكتوفەرين دەگەنىمىز - ول ادام اعزاسىنا تۇسكەن ۆيرۋستاردى جوياتىن بىردەن- ءبىر فەرمەن. يممۋنوگلوبۋلين دەگەنىڭ ادامنىڭ كۇش- قۋاتىن كوتەرەتىن يممۋنوستيمۋلياتور.

ابدەز راحمان ۇلى، ءتىلشى

 - كونفەرەنتسيادا كورسەتىلگەن عالىمداردىڭ ەڭبەگى حالىقارالىق سكوپس بازاسىنا ەنگىزىلەدى ەكەن. بۇل - جاڭالىقتى الەمگە تاراتۋ جولى.

«حابار» 

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى