قازاقستان مەن بەلارۋس جارناما سالىقتارىنا قاتىستى كەلىسىمدى توقتاتادى - پارلامەنت
پارلامەنت قابىلداعان قۇجات ەندى مەملەكەت باسشىسىنىڭ قول قويۋىنا جولدانادى.
«قازاقستان مەن بەلارۋس ەلى اراسىنداعى كەلىسىمگە 1999-جىلى قول قويىلعان، بۇل رەتتە قۇجات تاۋارلار مەن جۇمىستاردىڭ ەكسپورتى مەن يمپورتى بارىسىندا جاناما سالىقتاردى ەكىجاقتى فورماتتا الۋدى قاراستىراتىن بولعان. ال كەيىن كەدەندىك وداق قۇرىلعالى ءدال وسىعان ۇقساس كەلىسىم كۇشىنە ەندى، سوندىقتان بۇل قۇجاتتى توقتاتقان ءلازىم»، - دەدى قۇجات بويىنشا بايانداعان قارجى ءمينيسترى باقىت سۇلتانوۆ.
ونىڭ ايتۋىنشا، كەدەن وداعىندا قولدانىلىپ جۇرگەن كەلىسىم ەكىجاقتى كەلىسىمدە كوزدەلگەن تاۋارلاردى (جۇمىستاردى) ەكسپورتتاۋ جانە يمپورتتاۋ كەزىندە جاناما سالىقتاردى الۋ قاعيداتتارىن قامتۋىنا بايلانىستى 2011-جىلعى 8- قاراشادا قازاقستان مەن بەلارۋس رەسپۋبليكالارىنىڭ قارجى مينيسترلىكتەرى ەكىجاقتى كەلىسىمنىڭ قولدانىسىن توقتاتۋ تۋرالى حاتتاماعا قول قويعان.
اۆتور: قانات مامەتقازى ۇلى
