ماسكەۋدە وتكەن ءداستۇرلى تۋرنيردە ەكى بوكسشىمىز رەسەيلىك قارسىلاستارىن نوكاۋتقا ءتۇسىرىپ، التىن مەدال الدى

تۋرنيرگە رەسەي، قازاقستان، ۋكراينا جانە بەلارۋس ەلدەرىنەن بارلىعى 15 كوماندا قاتىسقان. قازاقستاننان قىزىلوردالىق بوكسشىلار بارلىعى 6 سپورتشى قاتىستى. ونىڭ ەكەۋى ۇلتتىق قۇرامانىڭ ساپىنداعى بوكسشىلار. ولار: 75 كەلى سالماق دارەجەسىندە رۋستام سىبايەۆ پەن 91 كەلى سالماق دارەجەسىندە سىنعا تۇسكەن قامشىبەك قونقابايەۆ. سونىمەن قاتار، قۇرامادا باعدات ۋايدايەۆ - 60 كەلى جانە 52 سالماق دارەجەسىندە ويىن كورسەتكەن باققوجا يناتۋللايەۆ بار. بۇدان باسقا 49 كەلى سالماقتا داۋلەت ءداۋىتوۆ پەن 91 كەلى سالماقتا تەمىرلان وتەگەندەر دە بار.

تۋرنير قورىتىندىسى بويىنشا رۋستام سىبايەۆ پەن قامشىبەك قونقابايەۆتار التىننان القا تاقتى. قىزىق بولعاندا، ءبىزدىڭ ەكى بوكسشىمىز دا رەسەيلىك سپورتشىلاردى نوكاۋتپەن جەڭدى. ال، باعدات ۋايدايەۆ پەن باققوجا يناتۋللايەۆ فينالدىق باسەكەدە جەڭىلىپ قالىپ، كۇمىس مەدالدى قاناعات تۇتتى.

جەڭىمپازدارىمىزدى 2 دۇركىن وليمپيادا چەمپيونى، كەڭەس وداعىنىڭ داڭقتى بوكسشىسى بوريس لاگۋتين ماراپاتتادى. قىزىلوردالىق بوكس قۇراماسى قازاقستان چەمپيوناتىنا 26- قاراشادان باستاپ دايىندالادى.

بوكسشىلارىمىزدى ماسكەۋدەگى حالىقارالىق تۋرنيرگە ق ر ەڭبەگى سىڭگەن جاتتىقتىرۋشىسى عالىم بايعۇندايەۆ دايىندادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى