قان تاپسىرۋدان اسقان قايىرىمدىلىق جوق

دونورلىق قان بولماسا، قان اۋرۋىنا، ونكولوگيالىق دەرتكە شالدىققان بالالار مەن ەرەسەك ادامداردىڭ ءومىرىن اراشالاپ قالۋ مۇمكىن ەمەس.

قازىر الەمنىڭ 62 ەلىندە قان دونورلىعى وتەۋسىز جۇرگىزىلەدى. دونورلار تاپسىرعان قانى ءۇشىن اقشا سۇرامايدى. ال ءبىزدىڭ ەلىمىزدەگى قوعام تۇسىنىگى بويىنشا، قان تاپسىرعان ادام ءوز دەنساۋلىعىنا زيانىن تيگىزەدى.

دارىگەرلەردىڭ ايتۋىنا قاراعانداي، اسىلىندە، بۇل ارەكەت دونوردىڭ وزىنە فيزيولوگيالىق جاعىنان دا، پسيحولوگيالىق جاعىنان دا پايدالى. ەگەر ءبىزدىڭ ەلىمىزدىڭ دە ءار تۇرعىنى قان تاپسىرۋدى وزىنە ازاماتتىق پارىز دەپ ساناسا، سان مىڭداعان ناۋقاس اۋرۋىنان ايىعىپ، سان مىڭداعان ادام ءوز تۋىسىنان ايىرلىماس ەدى.

وسىعان وراي، ق ر دەنساۋلىق ساقتاۋ جانە الەۋمەتتىك دامۋ مينيسترلىگى «سالاماتتى قازاقستان» باعدارلاماسىنىڭ اياسىندا وتەۋسىز ەرىكتى تۇردە دونور بولۋدى ناسيحاتتاۋ جۇمىستارىن جۇرگىزىپ جاتىر.

«دونور» ءسوزى لاتىن تىلىنەن اۋدارعاندا «تارتۋ، سىيلاۋ» دەگەن ماعىنانى بىلدىرەدى. دونورلىق - ءاربىر ازامات ءۇشىن سالاۋاتتى ءومىر ءسۇرۋ سالتىنىڭ، مەيىرىمدىلىك، قايىرىمدىلىق تانىتۋدىڭ بەلگىسى.

قان تاپسىرۋ - بۇل دونورلىق ءراسىم، ياعني 450,0 م ل كولەمىندە قان بەرۋ. دەنى ساۋ ادام ءۇشىن مۇنداي كولەمدە قان تاپسىرۋ فيزيولوگيالىق جاىنان ەش قاۋىپسىز، قالىپتى جاعداي. زەرتتەۋ ناتيجەلەرى مەن مامانداردىڭ تاجىريبيەسى قان تاپسىرۋ ادامنىڭ دەنساۋلىعىنا وتە پايدالى ەكەندىگىن كورسەتەدى. قان تاپسىرعان ادامنىڭ قان اينالۋ جانە يممۋندىق جۇيەسى جاقسارىپ، ول قاتەرلى ىسىك اۋرۋلارى مەن تىنىس جولى جۇقپالى اۋرۋلارىنا سيرەك شالدىعادى.

ەڭ باستىسى، دونور ءومىر مەن ءولىم اراسىندا جاتقان ناۋقاسقا ەكىنشى ءومىر سىيلاپ، رۋحاني ءوز-وزىنە ريزا بولادى. ياعني، پسيحولوگيالىق جاعىنان دا پايداسى زور. قازاقستان رەسپۋبليكاسىنىڭ زاڭىندا اقىلى دونورلىق قىزمەتكە رۇقسات ەتىلگەن. ءبىراق اقىلى دونورلار ماتەريالدىق پايدا كورۋ ءۇشىن قان تاپسىراردا دەنساۋلىعى جونىندە ناقتى اقپاراتتى جاسىرۋى مۇمكىن، سوندىقتان وتەۋىن سۇراماي، تەگىن قان تاپسىرعانداردىڭ قانى مەن ونىڭ قۇرامداس بولىكتەرى ءقاۋىپسىز بولىپ سانالادى.

وتەۋسىز دونورلىقتى دامىتۋ - ادام بويىنداعى قايعىعا ورتاقتاسۋ، تىلەۋلەستىك، قول ۇشىن بەرۋگە دايىندىق قاسيەتتەرىن وياتادى، ال بۇل قاسيەتتەر بۇگىنگى قوعامعا اسا قاجەت.

جاسى 18 دەن اسقان، دونور بولۋعا قارسى مەديتسينالىق كورسەتكىشى جوق، دەنى ساۋ، ءتولقۇجاتى بار قازاقستان ازاماتى دونور بولا الادى. ەرلەر جىلىنا 5 رەت، ايەلدەر 4 رەت قان تاپسىرا الادى.

قان الۋ شاراسى - قان ورتالىعىندا، قان جانە ونىڭ كومپونەنتتەرىن دايىنداۋ بولىمىندە جۇزەگە اسىرىلادى. دونور مەن رەتسيپيەنتتىڭ دەنساۋلىعىنىڭ قاۋىپسىزدىگىن قامتاماسىز ەتۋ ماقساتىندا قان ورتالىعىندا دارىگەرلەر بىرنەشە تەكسەرىس كەزەڭىن جۇزەگە اسىرادى، زەرتحانادا ۆ ي چ 1,2 ينفەكتسياسى، ۆ جانە س گەپاتيتتەرى ماركەرلەرىنە جانە مەرەزگە ساراپتاما جۇرگىزەدى. قاننىڭ قاۋىپسىزدىگى ءۇشىن قان ءبىر رەت قولدانىلاتىن، زارارسىزداندىرىلعان گەماكونعا الىنادى. گەماكون - قاننىڭ ەمدىك قاسيەتىن جوعارى ساپادا ساقتاۋ ءۇشىن ارنايى پوليمەرلى ماتەريالدان جاسالعان ىدىس. دونوردان الىنعان قان، قاندى اينالدىرۋ ءۇشىن قولدانىلاتىن ماشينا تسەنتريفۋگادان وتكىزىلەدى، بۇل جەردە قاننان نەگىزگى ءۇش كومپونەنت الىنادى: پلازما، ترومبوتسيت جانە ەريتروتسيت كونتسەنتراتى.

پلازمافەرەز - ورگانيزمنەن قان كومپونەنتى بولىپ تابىلاتىن ەريتروتسيت، لەيكوتسيت، ترومبوتسيتتەن قان سارىسۋىن ءبولىپ الۋ. پلازما- % 90 سۋدان تۇرادى، قۇرامى قورەكتىك زاتتارعا باي. ولار:

اقۋىز،

ماي،

كومىرسۋ،

گورمون،

دارۋمەندەر سونىمەن قاتار ورگانيزم تىندەرىنىڭ قۇرىلىمىنا جانە ءومىر سۇرۋىنە جاعداي جاسايتىن ورگانيكالىق زاتتار.

پلازما مەديتسينا سالاسىنىڭ حيرۋرگيا، اكۋشەريا، گينەكولوگيا، ونكولوگيا، گەموتولوگيا بولىمدەرىندە كەڭ كولەمدە قولدانىلادى.

قان تاپسىرۋ ارقىلى ءبىز ادامدارعا ءومىر ءسۇرۋ مۇمكىندىگىن بەرەمىز.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى