ەگەر كەدەي بولساڭىز - ۋايىمداماڭىز

ول پايعامبارعا (س. ا. س) كەلىپ ءوزىنىڭ كەدەي مۇسىلمانداردىڭ اتىنان كەلگەن وكىل ەكەنىن جەتكىزەدى.

وعان اللا ەلشىسى (س. ا. س) : "قوش كەلىپسىڭ، اللانىڭ ءوزى جاقسى كورگەن قاۋىمنان (كەدەيلەردەن) كەلگەن ەلشى" دەيدى. سوندا وكىل "ءيا اللانىڭ ەلشىسى! جاقسىلىقتىڭ بارلىعىن بايلار جاساپ جاتىر. ولار قاجىلىققا بارادى، ال ءبىز بارا المايمىز، ولار ساداقا بەرەدى، ءبىزدىڭ ساداقا بەرۋگە اقشامىز جوق، ولار قۇل ازات قىلادى، بىزدە قۇل جوق، سونداي-اق ولار ەگەر ءبىر كىسى اۋىرىپ قالسا مال-دۇنيەسىنەن بەرىپ كومەكتەسەدى، ال بىزدە ولاي جاسايتىن قۇدىرەت جوق. جاقسىلىقتاردان قۇر قالۋدامىز" دەپ وكىل كەدەيلەردىڭ قوبالجۋىن اللا ەلشىسىنە (س. ا. س) جەتكىزەدى.

سوندا پايعامبار (س. ا. س) "مەنەن كەدەيلەرگە مىنانى جەتكىز: ەگەر كەدەي ادام اللانىڭ وعان بەرگەنىنە قاناعات قىلىپ، سابىر قىلسا اللا تاعالا وعان بايلاردىڭ بىرەۋىنە ءناسىپ بولمايتىن ءۇش نارسە بەرەدى. ءبىرىنشىسى، جۇماقتا قىزىل جاقۇتتان جاسالعان ءبىر ءۇي بار. وعان وسى دۇنيەدەگى ادامدار اسپانداعى جۇلدىزدارعا قالاي قىزىعىپ قاراسا ءجانناتتاعى ادامدار دا ول ۇيگە سولاي قىزىعا قارايدى. ءبىراق، ول ءۇي تەك پايعامبارلارعا، شاحيدتەرگە جانە مۇسىلمان كەدەيلەرگە بەرىلەدى.

ەكىنشىسى، كەدەيلەر بايلارعا قاراعاندا جۇماققا جارتى كۇن ىلگەرى كىرەدى. ول كەزدەگى جارتى كۇن وسى دۇنيەدەگى بەس ءجۇز جىلعا تەڭ بولادى. جانە سۇلەيمەن يبن داۋد پايعامبار اللانىڭ وعان سالەمى بولسىن، بارلىق پايعامبارلار جۇماققا كىرگەننەن كەيىن قىرىق جىلدان سوڭ كىرەدى. سەبەبى، اللا تاعالا وعان بۇل دۇنيەدە ەشكىمدە جوق بايلىق، شەكسىز پاتشالىق تا بەرگەن بولاتىن.

ءۇشىنشىسى، ەگەر مۇسىلمان پاقىر كىسى "سۋبھاناللا ۋالھامدۋليللاھ ۋالا يلاھا يللاللاھۋ ۋاللاھۋ اكبار" دەسە، باي ادام ون مىڭ ديرحام بەرسە دە جەتە المايتىن ساۋاپ الادى. سونداي-اق كەدەيدىڭ ىستەگەن بارلىق جاقسى امالدارى دا ەسەلەنەدى"، - دەيدى. وسى ءسۇيىنشى حاباردى وكىل مۇسىلمان كەدەيلەرگە جەتكىزگەندە الىگىلەر "ءيا راببىمىز، رازىمىز!" دەپ جۇرەكتەرى تىنىشتالادى.

اناس (ر. ا) ريۋايات ەتكەن. "تانبيھ ال- عافيلين" كىتابىنان.

P. S: ايفون 6 الا المادىم، جۇمىسقا ءالى اپتوبۋسپەن بارىپ ءجۇرمىن دەپ ەندى ۋايىمداماساڭىز بولادى : ))

بۇرحان ابدۋلحاكىم

Facebook-تەگى پاراقشاسىنان

Alashainasy.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى