وسكەمەن الماتىدان العاشقى «تۇلپار- تالگو» پويىزىن قارسى الدى - فوتو

جۇردەك پويىز وسكەمەنگە جەتكەنشە 17 ساعات 45 مينۋت، كەرى باعىتتا 17 ساعات 08 مينۋت جۇرەدى. بۇل بۇرىنعىدان 10 ساعاتقا قىسقا.

«ەگەر 30 جىل بۇرىن الەمدىك ستاندارتقا ساي كەلەتىن مۇنداي پويىزدار بولادى دەگەن وي ءۇش ۇيىقتاساق تۇسىمىزگە كىرمەگەن. كولىك لوگيستيكاسىنىڭ دامۋى كەز كەلگەن مەملەكەتتىڭ ستراتەگيالىق ماڭىزدى ماسەلەسى بولىپ تابىلادى، قازىر ەلدە بۇعان باسا نازار اۋدارىلۋدا»، - دەدى العاشقى پويىزدى قارسى الۋ كەزىندە شقو اكىمى ب. ساپاربايەۆ.

 ءوڭىر باسشىسى اقپاراتتىق ورتالىعىنىڭ حابارلاۋىنشا، «تۇلپار- تالگو» 23 ۆاگوننان تۇرادى، 2 ۆاگون - «گراند» سىنىبى، 2- «بيزنەس» ، 14- «تۋريست» ، 1 - ۆاگون- مەيرامحانا، 1 - ۆاگون- ءدامحانا جانە 3 تەحنيكالىق ۆاگون بار.

 بۇل وڭىردەگى ەكىنشى جۇردەك پويىز، ال العاشقىسى تاياۋدا شىعىس قازاقستاي وبىلىسىنا «سەمەي- استانا» باعدارىمەن جۇرە باستاعان بولاتىن.

«جولاۋشىلار تاسىمالى» ا ق باسقارماسىنىڭ ءتوراعاسى ەرمەك تولەگەنوۆ قازىرگى ۋاقىتتا «تۇلپار- تالگو» - 6, «الماتى-2 - زاشيتا» - 7 باعىتى بار ەكەنىن اتاپ ءوتتى.

ش ق و- دا جىل سوڭىنا دەيىن «وسكەمەن- استانا» باعىتى اشىلادى، بارلىق وبلىس ورتالىعىندا وسىنداي جۇردەك باعىتتار بولادى.

ول سونداي- اق جۇردەك پويىزعا بيلەت ساتىپ الۋدا 1 - قازاننان باستاپ ساتىپ العان كۇنىنە قاراي 35 تەن 15 پايىزعا دەيىن جەڭىلدىكتەر ەسكەرىلگەنىن ايتتى. ياعني، ەرتەرەك ساتىپ السا، باعاسى تومەنىرەك بولادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى