شەنەۋنىكتەردىڭ قىزمەتىن جەكە مۇددەسىنە پايدالانۋىنا جول بەرمەۋ كەرەك
ونىڭ ايتۋىنشا، «نۇر وتان» پارتياسىنىڭ سىبايلاس جەمقورلىققا قارسى ءىس-قيمىل جونىندەگى 2015-2025 - جىلدارعا ارنالعان باعدارلاما جوباسىنىڭ ماڭىزى اسا زور.
ەندىگى جەردە وسى باعدارلامانى نەگىزگە الا وتىرىپ، جەمقورىلىققا قارسى كۇرەسكە تۇتاس قوعام بولىپ جۇمىلۋ قاجەت. باسەكەلەستىكتىڭ دامۋىنا مۇمكىندىك بەرمەي، ەكونوميكانىڭ دامۋىنا كەدەرگى كەلتىرگەن بۇل كەسەل ۇلتتىق قاۋىپسىزدىگىمىزگە دە قاتەر توندىرەدى.
سوندىقتان، تاۋەلسىزدىكتى بەرىك ساقتاۋ ءۇشىن ەڭ الدىمەن، ءىستى وسى ماسەلەدەن باستاۋ كەرەك.
«ماقساتتى جوبا قوعامدا جان-جاقتى تالقىلاندى. ۇكىمەتتىك ەمەس ۇيىمدار مەن قوعامدىق بىرلەستىكتەردەن كوپتەگەن ۇسىنىستار كەلدى. جوبانى تالقىلاۋ بارىنشا اشىق جۇرگىزىلدى. سوندىقتان قۇجاتتى قابىلداۋعا تولىق نەگىز بار»، - دەيدى فراكسيا مۇشەسى.
سونداي-اق، ول، مەملەكەتتىڭ قوماقتى قاراجاتىنىڭ ماقساتقا ساي يگەرىلمەي، ءتيىمسىز پايدالانىلىپ جاتقانىن تىلگە تيەك ەتتى.
«وسىندايدى بولدىرماۋ ءۇشىن جالپى لاۋازىمدى قىزمەتكەرلەردىڭ، مەملەكەتتىك ورگانداردىڭ باسشىلارىنىڭ ءوز قىزمەتىن جەكە مۇددەسىنە پايدالانۋىنا جول بەرمەۋ قاجەت. ءبىز وسىنداي ءتارتىپتى مەملەكەتتى قالىپتاستىرىپ، جاستاردى وسىعان ۇيرەتۋىمىز كەرەك»، - دەپ تۇيىندەدى ن. سابيليانوۆ.
ايتا كەتەيىك، «نۇر وتان» پارتياسى ا. ج. شىلدەسىندە 2015-2025 - جىلدارعا ارنالعان سىبايلاس جەمقورلىققا قارسى ءىس-قيمىل باعدارلاماسى جوباسىن كوپشىلىكتىڭ تالقىلاۋىنا ۇسىندى. اتالعان قۇجاتتىڭ جوباسى 6 مىڭنان استام باستاۋىش پارتيا ۇيىمدارىنىڭ، وڭىرلىك ساياسي كەڭەستەردىڭ وتىرىستارىندا قارالدى جانە تالقىلاندى. باعدارلاما جوباسىندا بەلگىلى تاۋەلسىز ساراپشىلار، ۇەۇ، عىلىمي ورتالاردىڭ اقىل-كەڭەستەرى ەسكەرىلدى.
تامىزدا قۇجات «قازاقستان-2050» دەموكراتيالىق كۇشتەردىڭ جالپىۇلتتىق كواليتسياسىنىڭ وتىرىسىندا قارالدى. بيزنەس- قاۋىمداستىق پارتيانىڭ سىبايلاس جەمقورلىققا قارسى باعدارلاماسىن ۇلتتىق كاسىپكەرلەر پالاتاسىنىڭ الاڭىندا تالقىلاپ، قۇجات جوباسىن قولدادى. باعدارلاما جوباسىنا وراي پارتيا مۇشەلەرىنەن، ساراپشىلار قاۋىمداستىعىنان جانە ينتەرنەت-پايدالانۋشىلاردان 900 گە جۋىق ۇسىنىستار مەن تولىقتىرۋلار ءتۇسىپ، سونىڭ ارقاسىندا باستاپقىداعى باعدارلاما جوباسى ءماتىنىنىڭ % 40 وزگەرىسكە ۇشىرادى. باعدارلاما جوباسى تاياۋ ۋاقىتتا وتكىزىلۋى جوسپارلانعان «نۇر وتان» پارتياسىنىڭ ساياسي كەڭەسىنىڭ وتىرىسىندا قارالاتىن بولادى.
Baq.kz
