دەپۋتات كەلىمبەتوۆتەن تەڭگەگە دەگەن سەنىمدى كۇشەيتۋدى سۇرادى

«تۇيگەندەرىمدى ايتقىم كەلەدى. سوڭعى ۋاقىتتا قايرات نەمات ۇلىنا (كەلىمبەتوۆكە - اۆتور) دەپۋتاتتاردىڭ سۇراعى جينالىپ قالدى، دەپۋتاتتار بۇگىنگى جاعدايدى تۇسىنەدى. قايرات نەمات ۇلى سۇحباتتارىنىڭ بىرىندە دوللاردىڭ رۋبلگە باعامى 1 تيىن 43 بولىپ تۇرعان كەزدە بەرىكتىلىك قورى جەتكىلىكتى ەكەنىن ايتتى. رۋبل كۇن سايىن ءتۇسىپ جاتىر، رەسەي قۇبىلمالى رۋبلگە ءوتتى، ءارى قاراي دا تۇسە بەرە مە، ونى ەشكىم بولجاپ بىلە المايدى»، - دەدى اليەۆ ماجىلىستەگى جالپى وتىرىستا «ق ر «2014-2016-جىلدارعا ارنالعان رەسپۋبليكالىق بيۋجەت تۋرالى» زاڭىنا وزگەرتۋ ەنگىزۋ تۋرالى» زاڭ جوباسىن تالقىلاۋ كەزىندە.

ونىڭ ايتۋىنشا، تەڭگەگە دەگەن سەنىمدى كۇشەيتۋ كاجەت. «تەڭگە باعامىن وسى قالپىندا قالدىرۋ كەرەك، ەكونوميكانىڭ دوللاريزاتسياسى ءجۇرىپ جاتىر، ادامدار دوللارعا ءوتىپ جاتىر، ۇلتتىق بانك سەنىمدى بولۋى كەرەك، اڭگىمە ايتىپ، ءجيى كورىنۋى كەرەك. پرەزيدەنت تە بۇل تۋرالى ايتتى: ءبىز تەڭگەگە دەگەن سەنىمدى كۇشەيتۋىمىز كەرەك. ياعني تەڭگەنى وسى پوزيتسيادا قالدىرا الامىز دەپ سانايتىن ەكونوميستەردىڭ پوزيتسياسىن كۇشەيتۋ كەرەك جانە بىزگە قۇبىلمالى تەڭگەگە ءوتۋ قاجەت ەمەس، قولداۋ كەرەك. سوندىقتان، قايرات نەمات ۇلى، ادامداردىڭ تەڭگەگە سەنىمى بولۋى ءۇشىن، دوللاريزاتسياعا بارماۋى ءۇشىن ارى قاراي نۇسقالاردى ۆەدومستۆومەن بىرگە اياقتايسىزدار»، - دەدى دەپۋتات.

بۇعان دەيىن كەلىمبەتوۆ ديەۆالۆاتسيا تۋرالى پىكىر بىلدىرە وتىرىپ، الاڭداۋعا ەش سەبەپ جوقتىعىن مالىمدەگەن بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى