ا ق ش، جاپونيا جانە ءبىرقاتار تاياۋ شىعىس ەلدەرىنىڭ وكىلدەرى تىنىق مۇحيتى ايماعىندا ەركىن ساۋدا ايماعىن قۇرۋ ماسەلەسىن تالقىلادى
سەرىكتەستىككە اقش، جاپونيا، اۆستراليا، برۋنەي، كانادا، چيلي، مەكسيكا، مالايزيا، جاڭا زەلانديا، پەرۋ، سينگاپۋر جانە ۆەتنام سياقتى ەلدەر مۇشە.
اتالمىش ەكونوميكالىق سەرىكتەستىك ارقىلى امەريكا وڭتۇستىك شىعىس ازيا ەلدەرى نارىعىنداعى جاعدايىن كۇشەيتۋ ارقىلى ەكونوميكاسىن تۇزەۋدى كوزدەيدى. كەزدەسۋ ازيا- تىنىق مۇحيت وڭىرىندە ەركىن ساۋدا جاساۋ جونىندەگى كەلىسىم 2014 - جىلدىڭ سوڭىندا جاسالادى دەگەن سەنىممەن قورىتىندىلاندى. الايدا ول ءۇشىن اۋىل شارۋاشىلىعى سىندى ەكونوميكا سالالارى بويىنشا امەريكادان پوزيتسياسى ەرەكشە جاپونيانىڭ كەلىسىمى قاجەت.
ساراپشىلاردىڭ كوپشىلىگى قاراما- قايشىلىقتاردى جىل سوڭىنا دەيىن شەشۋ مۇمكىن ەمەس، دەپ سانايدى. «ازيا- تىنىق مۇحيت» سەرىكتەستىگى بويىنشا كەلىسسوزدەر قاراشادا بەيجىڭدە وتەتىن سامميتتە جالعاسپاق.
