ارال تەڭىزىن تولىق قالپىنا كەلتىرۋ مۇمكىن ەمەس - ي. كاريموۆ
وزبەكستان پرەزيدەنتى يسلام كارىموۆتىڭ اتىنان وزبەكستان پرەمەر-ءمينيسترىنىڭ ءبىرىنشى ورىنباسارى رۋستام ازيموۆ ءسوز سويلەدى.
«ارال تەڭىزىن تولىق قالپىنا كەلتىرۋ مۇمكىن ەمەس. ماڭىزدى مىندەت - ارال داعدارىسىنىڭ قورشاعان ورتاعا، ونىڭ ماڭىنداعى ميلليونداعان ادامنىڭ ومىرىنە، قارجىلاندىرىلعان جوبالاردىڭ جۇزەگە اسۋىنا تيگىزىپ جاتقان كەرى اسەرىن توقتاتۋ»، - دەلىنگەن ي. كارىموۆتىڭ حابارلاماسىندا.
كونفەرەنسياعا ق ر اۋىل شارۋاشىلىعىنىڭ ۆيتسە-ءمينيسترى ەرلان نىسانبايەۆ، ش ى ۇ باس حاتشىسىنىڭ ورىنباسارى نۇرلان اققوشقاروۆ، قازاقستان رەسپۋبليكاسىنىڭ وزبەكستان رەسپۋبليكاسىنداعى توتەنشە جانە وكىلەتتى ەلشىسى ءبورىباي جەكسەمبين قاتىستى، دەپ حابارلايدى «قازاقپارات» ءتىلشىسى.
