بايان ولگەيدە حالىقارالىق قازاق مەكتەبى اشىلدى
قازاقستاندىق دەلەگاتسيا موڭعوليانىڭ بايان ولگەي ايماعىنداعى حالىقارالىق قازاق ورتا مەكتەبىنىڭ اشىلۋ سالتاناتىنا قاتىستى. اعىلشىن، ورىس، جاپون، قىتاي جانە باسقا تىلدەرى وقىتىلاتىن حالىقارالىق قازاق مەكتەبىنە بيىلعى وقۋ جىلىنا 300 گە تارتا وقۋشى قابىلداندى.
قازاقستان پارلامەنتى سەناتىنىڭ ۇيىتقى بولۋىمەن ەلىمىزدىڭ ءبىلىم جانە عىلىم مينيسترلىگى كورشى ەلدەگى حالىقارالىق قازاق مەكتەبىنە 6500 وقۋلىق، 10 كومپيۋتەر، سپورت جابدىقتارى جانە 20000 ا ق ش دوللارى كولەمىندە قارجىنى تارتۋ ەتتى.
جاڭا ءبىلىم ورداسىنىڭ اشىلۋ سالتاناتىندا سەنات دەپۋتاتى م. باقتيار ۇلى قۇتتىقتاۋ ءسوز سويلەپ، سۇيىنشىگە حالىقارالىق قازاق مەكتەبىنە ءوز اتىنان 1 ميلليون تەڭگە سىيلادى.
قازاقستاندىق دەلەگاتسيا قۇرامىندا ەلىمىزدىڭ سىرتقى ىستەر، ءبىلىم جانە عىلىم مينيسترلىكتەرىنىڭ وكىلدەرى بولدى.
اۆتور: سەرىك قاراجان
