استانادان قىتايعا جەر ۋچاسكەسى جالعا بەرىلەدى

كەلىسىمنىڭ ماقساتى ەكى ەل اراسىنداعى دوستىق قارىم- قاتىناستاردى نىعايتۋ بولىپ تابىلادى. سونىمەن قاتار، قازاقستان رەسپۋبليكاسىنىڭ قىتاي حالىق رەسپۋبليكاسىنداعى، ال ق ح ر- دىڭ قازاقستان رەسپۋبليكاسىنداعى ديپلوماتيالىق وكىلدىكتەرىنىڭ بولۋى مەن جۇمىس ىستەۋىنىڭ ءتيىستى جاعدايلارىن قامتاماسىز ەتۋ كوزدەلەدى.

«كەلىسىمگە سايكەس، قازاقستان قىتايعا ەلشىلىك عيماراتتارىن سالۋ ءۇشىن استانا قالاسىنداعى تاۋەلسىزدىك داڭعىلى بويىنان اۋماعى 3 گەكتار جەر ۋچاسكەسىن قىرىق توعىز جىل مەرزىمگە ۋاقىتشا جالعا بەرىلەدى. ال قىتاي تاراپىنان قازاقستانعا ءبىزدىڭ ەلىمىزدىڭ ەلشىسىنىڭ رەزيدەنتسياسىن سالۋ ءۇشىن بەيجىڭ قالاسىنىڭ 3-ديپلوماتيالىق اۋدانىندا الاڭى 0,2316 گەكتار جەر ۋچاسكەسىن جانە ق ر ەلشىلىگىنىڭ عيماراتىن سالۋ ءۇشىن بەيجىڭ قالاسىنىڭ 4- ديپلوماتيالىق اۋدانىنان الاڭى ءبىر گەكتار جەر ۋچاسكەسىن قىرىق توعىز جىلعا جالعا بەرىلەدى. قازىر قازاقستان ەلشىلىگىندە 0,53 گەكتار اۋماقتى قۇرايتىن جەر ۋچاسكەسى بار، وسىنىڭ بارلىعىن قوسقاندا بەيجىڭ قالاسىندا قازاقستانعا قاراستى جالعا بەرىلەتىن جەر ۋچاسكەلەرى 1,76 گەكتاردى قۇراپ وتىر» ، - دەدى سىرتقى ىستەر ءمينيسترى ەرلان ىدىرىسوۆ.

 كەلىسىمگە سايكەس، جەر ۋچاسكەلەرىن پايدالانعانى ءۇشىن جالعا الۋ اقىسىن قوسپاعاندا، جەر ۋچاسكەلەرىندەگى ديپلوماتيالىق وكىلدىكتەردىڭ عيماراتتارى بارلىق سالىقتاردان جانە مىندەتتى تولەمدەردەن بوساتىلادى.

 ءماجىلىس ماقۇلداعان زاڭ جوباسى پارلامەنت سەناتىنا جولدانادى.

اۆتور: قانات مامەتقازى ۇلى





استانا قالاسىنداعى تاۋەلسىزدىك داڭعىلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى