قازاقستاندىق تانىمال تەلەجۇرگىزۋشى ءارى اكتريسا وتباسىن قۇردى - فوتو

توي 26- قازان كۇنى بولدى. ايتۋلى سالتاناتىنىڭ قاي جەردە بولعانىن جانە كۇيەۋ جىگىتتىڭ ەسىمىن ايدا قۇپيا ساقتاپ قالۋدى ءجون كورگەن. تەك ول 12- قازاندا ءوزىنىڭ تۋعان قالاسى ورالدا ۇزاتۋ تويىنىڭ بولعانىن حابارلايدى.

ەستەرىڭىزگە سالا كەتەيىك، ايدا جانتىلەۋوۆا قازاقستاندىقتارعا «حابار» تەلەارناسىنداعى «جاڭا كۇن» باعدارلاماسى جانە تانىمال «بازاربايەۆتار» تەلەحيكاياسى ارقىلى جاقسى تانىس.

2009-جىلدان ايدا الماتىداعى ع. مۇسىرەپوۆ اتىنداعى بالالار مەن جاسوسپىرىمدەر تەاترىندا ەڭبەك ەتەدى. قازاق مەملەكەتتىك قىزدار پەداگوگيكالىق ۋنيۆەرسيتەتىن ءتامامداعان. شىڭعىس ايتماتوۆتىڭ « قىزىل ورامالدى شىنارىم» قويىلىمىندا اسەلدىڭ ءرولىن سومداعانى ءۇشىن حالىقارالىق تەاتر فەستيۆالىندە «ەڭ ۇزدىك ايەل ءرولىن سومداعانى ءۇشىن» سىيلىعىن يەلەندى. سونداي-اق ول مۇحتار اۋەزوۆتىڭ «ايقاراگوز» سپەكتاكلىندە وينادى. «ا. ي.» تەاترىنىڭ پروديۋسەرى، اكتريساسى ءارى جەتەكشىسى ايگۇل يمانبايەۆامەن ىنتىماقتاستىقتا جۇمىس جاسايدى. كەزىندە «ىڭكار» توبىنىڭ قۇرامىندا ءان ايتقان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى