قازاقستان قىتايعا ەلەكتر قۋاتىن تاسىمالداۋى مۇمكىن
قازاقستاندىق دەلەگاتسيانى قر سىرتقى ىستەر ءمينيسترىنىڭ ورىنباسارى اسقار مۋسينوۆ، قىتايلىق دەلەگاتسيانى ق ح ر (قىتاي حالىق رەسپۋبليكاسى) سىرتقى ىستەر ءمينيسترىنىڭ ورىنباسارى چەن گوپين باسقاردى.
كونسۋلتاتسيالار بارىسىندا تاراپتار ەكىجاقتى ىنتىماقتاستىقتىڭ كەڭ اۋقىمدى ماسەلەلەرى، سونداي- اق ب ۇ ۇ، ش ى ۇ، ا ءو س ش ك سياقتى حالىقارالىق ۇيىمدار شەڭبەرىندەگى ءوزارا ارەكەتتەستىك بويىنشا پىكىر الماستى.
تاراپتار ۇستىمىزدەگى جىلدىڭ جەلتوقسانىندا ق ح ر مەملەكەتتىك كەڭەسىنىڭ پرەمەرى لي كىشياڭنىڭ قازاقستانعا رەسمي ساپارى جانە ق مەن ق ح ر ۇكىمەتتەرى باسشىلارىنىڭ 2- تۇراقتى كەزدەسۋىن دايىنداۋ بويىنشا ماسەلەلەردى تالقىلادى.
قازاقستاندىق تاراپتىڭ باستاماسى بويىنشا، قازاقستاننان قىتايعا ەلەكتر قۋاتىن تاسىمالداۋدى قاراستىرۋ جونىندەگى جۇمىس توبىن قۇرۋ جانە ق ر- ق ح ر وڭىرلەرى اراسىنداعى فورۋمدى ۇيىمداستىرۋ ماسەلەلەرى قاراستىرىلدى.
قىتاي حالىق رەسپۋبليكاسى سىرتقى ىستەر مينيستىرلىگىنىڭ جوعارى وكىلى قىتايدىڭ ترانس شەكارالىق سۋ رەسۋرستارىن ءبولۋ تۋرالى قازاقستان- قىتاي ۇكىمەتتەرى اراسىنداعى كەلىسىمدى ازىرلەۋ بويىنشا كەلىسسوزدەردى 2015 - جىلدىڭ باسىندا باستاۋعا ازىرلىگىن راستادى.
سونىمەن قاتار، كونسۋلدىق- ۆيزالىق ماسەلەلەرى كوتەرىلدى.
تاراپتار ءىرى بىرلەسكەن ەكونوميكالىق جانە ينۆەستيتسيالىق جوبالاردىڭ قاۋىپسىزدىگىن قامتاماسىز ەتۋ بويىنشا شارالاردى جالعاستىرۋ، ەسىرتكى، لاڭكەستىك، سەپاراتيزم مەن ەكسترەميزمگە قارسى كۇرەس جانە قورعانىس سالاسىنداعى ىنتىماقتاستىقتى تەرەڭدەتۋدى كەلىستى.
كىشى كوميتەتتىڭ قورىتىندىسى بويىنشا، قازاقستان مەن قىتايدىڭ قاۋىپسىزدىك سالاسىنداعى ىنتىماقتاستىقتىڭ باسىمدى باعىتتارىن انىقتايتىن حاتتاماعا قول قويىلدى.
