د. نازاربايەۆا قىتايمەن بىرلەسىپ فارماتسيەۆتيكانى دامىتۋدى ۇسىندى - فوتو
«ءبىز ۆاكسينالار مەن دارىلىك پرەپاراتتاردىڭ بىرلەسكەن ءوندىرىسىن دامىتا الار ەدىك. قىتاي مەديتسيناسىن مەڭگەرگىمىز كەلەدى، مەديتسينالىق كادرلاردى دايارلاۋ سالاسىنداعى ىنتىماقتاستىقتى وڭ جولعا قويۋعا، ستۋدەنتتەر مەن وقىتۋشىلار الماسۋعا نيەتتىمىز. پارلامەنت دەپۋتاتتارى رەتىندە ءبىز بۇعان سەپتەسۋگە دايىنبىز»، - دەدى ول.
د. نازاربايەۆا سونداي-اق ەكى ەلدىڭ دەنساۋلىق ساقتاۋ مينيسترلەرىنىڭ ورىنباسارلارى دەڭگەيىندە ىنتىماقتاستىق تەتىكتەرىن قۇرۋدى ۇسىندى. «ءبىزدى دارىلەردىڭ قۇنىن بەكىتۋ ءۇردىسى، سىزدەردىڭ ۆەدومستۆولارىڭىزدىڭ تومەنگى قۇرىلىمدارمەن ارەكەتتەستىگى جانە وسى سالاداعى وزگە دە تاجىريبەلەرىڭىز قىزىقتىرادى»، - دەپ اتاپ ءوتتى دەپۋتات.
لي بين قازاقستاندىق دەلەگاتسياعا قىتايدىڭ دەنساۋلىق ساقتاۋ جۇيەسىندەگى رەفورمالاردىڭ دامۋى، ايەلدەر مەن بالالار دەنساۋلىعىن ساقتاۋداعى تابىستارى، سونىمەن قاتار بيىلعى جىلدىڭ قازان ايىنداعى ق ح ر-داعى ينفەكتسيالىق دەرتتەردىڭ الدىن الۋ مەن ونى باقىلاۋ جونىندە ايتىپ بەردى.
ەسكە سالا كەتەيىك، قازاقستاندىق دەلەگاتسيا قۇرامىندا پارلامەنت ءماجىلىسىنىڭ قوعامدىق-مادەني دامۋ كوميتەتىنىڭ مۇشەسى گۇلنار ىقسانوۆا، گۇلميرا يسيمبايەۆا، نادەجدا پەتۋحوۆا، الدان سمايىل، سۆەتلانا فەرحو، سونىمەن قاتار ق ر تۇڭعىش پرەزيدەنتى - ۇلت كوشباسشىسى قورىنىڭ اتقارۋشى ديرەكتورى ساعىندىق نۇراحانوۆ جانە وسى قور جانىنداعى الەمدىك ەكونوميكا جانە ساياسات ينستيتۋتىنىڭ جەتەكشىسى سۇلتان اكىمبەكوۆ بار.
