عىلىمي زەرتتەۋ: دارىندى بالالاردىڭ باعى جانباي قالۋىنا اتا-اناسىنىڭ تىم كوپ كوڭىل ءبولۋى سەبەپ بولادى
ياعني، 210 بالانىڭ ىشىنەن تەك 12 ءسى عانا اتا-اناسىنىڭ ءۇمىتىن اقتاعاندىعىن پروفەسسور دجوان فريمان دالەلدەدى.
6-7 جاستاعى بالالاردىڭ كوبىسى ەرەكشە پوتەنتسيالعا يە بولىپ، ارتىنشا بۇل قاسيەتىنەن تولىقتاي ايىرىلادى. پروفەسسور فريمەن 1974-جىلدان وسى كۇنگە دەيىنگى ماتەماتيكا، ونەر جانە مۋزىكا سالاسىنداعى تالانتتى بالالاردىڭ ومىرلىك جولى تۋرالى مالىمەت جيناعان. مۇنىمەن قاتار ولاردىڭ قاسيەتىنەن ايىرىلۋىنا ۇلكەندەر ءجىتى قاداعالاۋىنىڭ اسەرى بولعاندىعى انىقتالعان. ءتىپتى، كەيبىر جاعدايدا اتا-انالارى ولارعا دوستارىمەن سويلەسۋگە تىيىم سالعان نەمەسە تىم كوپ كوڭىل بولگەن ەكەن.
ماسەلەن، ەندريۋ حاليبەرتون ەسىمدى دارىن يەسى نەبارى 8 جاسىندا ورتا مەكتەپ ماتەماتيكاسىن مەڭگەرىپ العان. الايدا ەسەيگەن شاعىندا ج و و-نىن تاستاپ، ماكدونالدسكە جۇمىسقا تۇرادى. سوڭعى كەزدەرى وقۋعا قايتا ورالۋدى ءجون كورىپ ءجۇر.
وسىنداي ەرەكشە تۇلعالار - اننا ماركلەند پەن دجوسەمين لاۆين ەكەۋى بىرگە 11 جاسىندا مانچەستەردەگى چەتام مۋزىكا مەكتەبىندە ءبىلىم الادى.
1982-جىلى 46 جاستاعى ماركلەند «جىل مۋزىكانتى» جۇلدەسىنە قول جەتكىزەدى. ارتىنشا وكسفوردتا ءبىلىم العان سوڭ 2 جىل اسپيرانتۋرانى جالعاستىرىپ، كاسىبي مۋزىكانت اتانادى. ول ءوزىنىڭ جۇمىسىنىڭ ەڭ مىقتى ماماندىق ەكەنىن ايتادى.
ال ءلاۆيننىڭ تاعدىرى مۇلدەم وزگەشە. ول مۋزىكادان باس تارتىپ، عىلىم جولىنا تۇسەدى. مۇنىمەن قاتار جوعارىداعى 210 بالانىڭ ىشىنەن ءبىلىم ساپاسىنا بايلانىستى ەڭ جوعارعى كورسەتكىشكە يە بولعان. وكىنىشكە وراي، بۇدان كەيىن ماتەماتيكادان دا باس تارتىپ، وقۋدان شىعادى. قارتايعان شاعىندا 20 جىل ماتەماتيكا ءپانىنىڭ ءمۇعالىمى بولىپ قىزمەت جاسايدى. ءدال قازىر ءۇيىنىڭ يپوتەكاسى تولەنبەگەندىكتەن، بانك ونى الىپ قويۋى مۇمكىن.
