قىتاي ەلى قازاقستانمەن دوستىعىن اسا جوعارى باعالايدى - د. نازاربايەۆا
بۇل تۋرالى وتاندىق ب ا ق تىلشىلەرىنە بەرگەن سۇحباتىندا دەلەگاتسيا جەتەكشىسى، ق ر پارلامەنت ءماجىلىسى ءتوراعاسىنىڭ ورىنباسارى داريعا نازاربايەۆا ءمالىم ەتتى.
«ءبىزدىڭ دەلەگاتسيا بەيجىڭگە قىتايدىڭ شەتەلدەرمەن دوستىعى حالىقتىق قوعامىنىڭ شاقىرۋى بويىنشا كەلدى. ولاردىڭ تاراپىنان مادەنيەت، ءبىلىم جانە دەنساۋلىق سالالارىندا، سونداي-اق قارقىندى اقپارات الماسۋدا جانە ەڭ باستىسى، جىبەك جولى بويىنداعى ەكونوميكالىق بەلدەۋدىڭ اسا قارقىندى دامۋى تۇرعىسىنان ءبىزدىڭ ەلىمىزگە دەگەن زور قىزىعۋشىلىق بايقالدى. بۇل ماسەلەلەر تۋرالى ءبىز مۇنداعى كوپتەگەن كەزدەسۋلەرىمىزدە ءسوز ەتتىك»، - دەدى داريعا نازاربايەۆا.
ونىڭ ايتۋىنشا، ق ح ر-دا ءبىزدىڭ ەلىمىز بەن كوشباسشىلارىمىزدىڭ اراسىنداعى دوستىق قارىم-قاتىناس اسا جوعارى باعالانادى.
«ءبىز بۇل جەردە ەلىمىز تۋرالى، ەلباسىمىز تۋرالى وتە جاقسى پىكىرلەر ەستىدىك. جانە بۇل ساپارىمىزدىڭ ءبىلىم، دەنساۋلىق، الەۋمەتتىك قامسىزداندىرۋ، ەڭبەك رەسۋرستارى، تاجىريبە الماسۋ سالالارىندا ءوزارا قارىم-قاتىناستاردىڭ جاڭا كاسىبي دەڭگەيىنە جول اشقانىن قالار ەدىك»، - دەپ اتاپ ءوتتى د. نازاربايەۆا.
«مەن بۇل ساپارىمىز بارلىق تۇرعىدان وتە قىزىقتى بولدى دەپ ويلايمىن. بۇل ەل تۋرالى مەن جانە مەنىڭ ارىپتەستەرىم عالامتوردا دا، گازەتتەر مەن جۋرنالداردا دا كەلتىرىلمەيتىن ءتۇرلى اقپاراتتارعا قانىقتىق»، - دەپ تۇيىندەدى دەلەگاتسيا باسشىسى.
ەستەرىڭىزگە سالا كەتەيىك، ساپار اياسىندا ق ر تۇڭعىش پرەزيدەنتى - ۇلت كوشباسشىسى قورى مەن قىتايدىڭ شەتەلدەرمەن دوستىعى حالىقتىق قوعامىنىڭ اراسىندا ىنتىماقتاستىق تۋرالى كەلىسىمگە قول قويىلىپ، وسى بىرلەستىك باسشىلارىمەن، سونىمەن قاتار ەڭبەك رەسۋرستارى جانە الەۋمەتتىك قامسىزداندىرۋ، دەنساۋلىق ساقتاۋ جانە بالا تۋۋدى جوسپارلاۋ مينيسترلەرىمەن كەلىسسوزدەر جۇرگىزىلدى.
د. نازاربايەۆا سونداي-اق بۇكىل قىتايلىق حالىق وكىلدەرىنىڭ جينالىسى تۇراقتى كوميتەتىنىڭ ءتوراعاسى جاڭ دەجيانمەن كەزدەسىپ، بەيجىڭ مەكتەبى مەن بالالار اۋرۋحاناسىنا باردى.
قازاقستاندىق دەلەگاتسيا قۇرامىندا پارلامەنت ءماجىلىسىنىڭ قوعامدىق-مادەني دامۋ كوميتەتىنىڭ مۇشەسى گۇلنار ىقسانوۆا، گۇلميرا يسيمبايەۆا، نادەجدا پەتۋحوۆا، الدان سمايىل، سۆەتلانا فەرحو، سونىمەن قاتار ق ر تۇڭعىش پرەزيدەنتى - ۇلت كوشباسشىسى قورىنىڭ اتقارۋشى ديرەكتورى ساعىندىق نۇراحانوۆ جانە وسى قور جانىنداعى الەمدىك ەكونوميكا جانە ساياسات ينستيتۋتىنىڭ جەتەكشىسى سۇلتان اكىمبەكوۆ بار.
