تۇركيانىڭ بەلگىلى فوتوگرافى قازاقستان تۋرالى ەڭبەگىن انكارادا كورسەتتى

كورمە جۇمىسى 30- قىركۇيەكتە باستالعان بولاتىن، ول بۇگىن اياقتالدى. فوتوكورمە تۇركيانىڭ «رەسپۋبليكا كۇنى» مەرەكەسى قارساڭىندا وتكىزىلىپ، قازاق-تۇرىك مادەني- گۋمانيتارلىق قارىم-قاتىناستاردى ودان ءارى دامىتۋعا ارنالعان.

كورەرمەندەردىڭ نازارىنا ۇسىنىلعان فوتوگرافيالىق جۇمىستاردىڭ ىشىندە قازاقستان ءىرى قالالارى كورىكتى جەرلەرىنىڭ، مادەني جانە تاريحي ەسكەرتكىشتەرىنىڭ، ءتۇرلى مۇسىندەردىڭ، تابيعاتتىڭ ەرەكشە جەرلەرىنىڭ پەيزاجدارى، فلورا جانە فاۋنانىڭ كورىنىستەرى بولدى. ەكسپوزيتسياعا شىعارىلعان جۇمىستار - تۇرىك فوتوگرافىنىڭ قازاقستانداعى كوپتەگەن ساياحاتتارىنىڭ ناتيجەسىندە ىستەگەن جۇمىسى.

ءىس-شاراعا ق ر مادەنيەت جانە تۋريزم مينيسترلىگىنىڭ وكىلدەرى، قازاقستاننىڭ تۇركياداعى ەلشىلىگى قىزمەتكەرلەرى، انكارا ديپلوماتيالىق كورپۋسىنىڭ، حالىقارالىق ۇيىمداردىڭ، تۇركيانىڭ قوعامدىق-ساياسي جانە عىلىمي-اكادەميالىق توپتارىنىڭ وكىلدەرى، قازاق ستۋدەنتتەرى مەن دياسپوراسى جانە ت. ب. قاتىستى.

ياۆۋز الاتان تۇركيانىڭ تانىمال جۋرناليسى - فوتو- سۇرەتشىسى. ونىڭ كوللەكتسياسىنداعى كوپتەگەن ەلدىڭ سۇرەتتەرى اتاپ ايتقاندا، قازاقستان، ازەربايجان، رەسەي فەدەراتسياسى (باشكيريا مەن تاتارستان)، كۋبا، يراك، مولدوۆا، گەرمانيا، قىتاي جانە ت. ب. , انكارا مەن ىستامبۇلدىڭ ورتالىق سۋرەت گالەرەيالارىندا كورسەتىلىپ كەلەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى