جاڭا جوبا: قازاقستاندىق بوكسشى العاشقى سايىستا جەڭىسكە جەتتى

رەسەيدىڭ ءنوۆوسىبىر قالاسىندا وتكەن سايىستا وتانداسىمىز وزبەكستاندىق بوكسشى جاسۇربەك لاتيپوۆتى 3:0 (60:54, 58:56, 60:54) ەسەبىمەن جەڭدى.

«مەن لاتيپوۆپەن وتكەن جىلى استانادا وتكەن حالىقارالىق تۋرنيردە كەزدەسىپ، ونى 20:13 ەسەبىمەن جەڭگەن بولاتىنمىن. بيىل ازيا ويىندارىندا فينالدا تاعى ءبىر وزبەك بوكسشىسى شاحوبيددين زويروۆتى تىزە بۇكتىرگەننەن كەيىن، لاتيپوۆتىڭ بۇل كەزدەسۋگە تىڭعىلىقتى دايىندىقپەن كەلەتىندىگىن ءتۇسىندىم. ءبىراق، مەن كۇشىمدى سارقىپ الماي، التى راۋندقا جەتكىزدىم.

باپكەرلەرىم مارات ەلەۋسىنوۆ پەن اقىلبەك نۇرماعامبەتوۆ ەكى قالىپتا دا جۇدىرىقتاسا بەرەتىن امبەباپ بوكسشىعا قارسى قالاي ارەكەت جاساۋىم كەرەكتىگىن ءتۇسىندىردى. ونى ۇنەمى قىسپاققا الۋىم كەرەك بولدى. بۇل تاكتيكا ءوز ناتيجەسىن بەردى» - دەدى ءىلياس سۇلەيمەنوۆا ءوز سوزىندە.

ءىلياستىڭ كەلەسى قارسىلاسى 2013-جىلعى الەم چەمپيوناتىنىڭ كۇمىس جۇلدەگەرى الجيرلىك مۇحاممەد فليسسي. ول ءوز كەزەگىندە قارسىلاسىن مەرزىمىنەن بۇرىن جەڭدى.

ايتا كەتەلىك، 52 كەلى سالماق دارەجەسىندەگى سايىس رەسەيدىڭ نوۆوسىبىر قالاسىندا ءوتىپ جاتىر. وعان 2014- جىلعى ازيادا چەمپيونى ءىلياس سۇلەيمەنوۆ، 2013-جىلعى الەم چەمپيوناتىنىڭ كۇمىس جۇلدەگەرى جاسۇربەك لاتيپوۆ، ەلياس ەميگديو (مەكسيكا)، الەكساندر الەكساندروۆ (بولگاريا)، رەدۋان اسلۋم (فرانسيا)، 2013-جىلعى الەم بىرىنشىلىگىنىڭ كۇمىس جۇلدەگەرى مۇحاممەد فليسسي (الجير)، فەراندو مارتينەز (ارگەنتينا)، الەمنىڭ ەكى دۇركىن چەمپيونى ميشا الويان (رەسەي) جانە 2008-جىلعى بەيجىڭ وليمپياداسىنىڭ قولا جۇلدەگەرى ۆينچەنتسو پيكاردي (يتاليا) قاتىسۋدا.

اۆتور: جاپپاربەرگەن ايبوتا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى