بوكسشى جەكپە-جەكتە العان اۋىر جاراقاتىنان كوز جۇمدى

63,5 كەلى سالماقتا باق سىنايتىن بوكسشى 10- قازان كۇنى پرەتوريادا ليز باتلەرمەن وتكىزگەن جۇدىرىقتاسۋىندا نوكاۋت العان. ناتيجەسىندە شۇعىل اۋرۋحانانىڭ جان ساقتاۋ بولىمىنە جەتكىزىلگەن بوكسشى اراعا 18 كۇن سالىپ كوز جۇمدى. وسىعان دەيىن پينديلە مۆەلازە كاسىپقوي بوكستا ءتورت كەزدەسۋ وتكىزىپ، ونىڭ ۇشەۋىندە جەڭىلىپ، بىرەۋىندە تەڭ تۇسكەن ەكەن.

پينديلە مۆەلازەنىڭ دۇنيەدەن وزۋى وڭتۇستىك افريكا رەسپۋبليكاسىنداعى سوڭعى بەس كۇن ىشىندەگى ءۇشىنشى سپورتشىنىڭ قازاسى بولىپ وتىر. وسىعان دەيىن اتالعان ەلدىڭ نامىسىن 2004-جىلى گرەك جەرىندە وتكەن وليمپيادادا 800 مەتر قاشىقتىققا جۇگىرۋدە قورعاپ، كۇمىس جۇلدە ەنشىلەگەن مبۋلاەني مۋلاۋدزي جول اپاتىنان كوز جۇمعان ەدى. ال وسى جەكسەنبىدە فۋتبولدان و ا ر ۇلتتىق قۇراماسىنىڭ 27 جاستاعى كاپيتانى سەنزو مەيۆا قاراقشىلار قولىنا تۇسكەن سۇيىكتىسىن قورعاماق بولىپ، اجال قۇشتى.

massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى