ق ر ۇلتتىق بانكى بىرىككەن اراب امىرلىگىنىڭ ورتالىق بانكىمەن كەلىسىمگە قول قويدى
بۇل تۋرالى ق ر ۇلتتىق بانكىنىڭ باسپا ءسوز قىزمەتى حابارلادى.
ماڭىزدى قۇجاتقا ق ر ۇلتتىق بانكىنىڭ ءتوراعاسى قايرات كەلىمبەتوۆ پەن ب ا ءا ورتالىق بانكىنىڭ ءتوراعاسى مۇباراك ءراشيد ءال مانسۇري قول قويدى.
مەموراندۋم يسلام قارجىلىق جۇيەسىن، قارجىلىق باقىلاۋ سالاسىنداعى ەكىجاقتى سەرىكتەستىكتى دامىتۋعا باعىتتالعان. تاراپتاردىڭ ويىنشا، بۇل كەلىسىم ەكى ەلدىڭ قارجىلىق تۇراقتىلىعىن ساقتاۋعا سەپتىگىن تيگىزەدى.
ب ا ءا ورتالىق بانكىنىڭ ءتوراعاسى مۇباراك ءراشيد ءال مانسۇري قازاقستاننىڭ قارجىلىق دامۋى مەن يسلام قارجىلاندىرۋ جۇيەسىنىڭ دامۋ قارقىنىن جوعارى باعالادى.
«ق ر ۇلتتىق بانكىنىڭ ءتوراعاسى قايرات كەلىمبەتوۆ ءوز كەزەگىندە دۋبايدا ءوتىپ جاتقان 10- دۇنيەجۇزىلىك يسلام ەكونوميكالىق فورۋمىنا قاتىسۋشىلاردى قازاقستانداعى يسلام قارجىلاندىرۋ جۇيەسىن دامىتۋ جوسپارىمەن تانىستىرىپ، يسلام قۇندى قاعازدار نارىعىنىڭ جاي-كۇيىنەن حاباردار ەتتى»، دەلىنگەن حابارلامادا.
سونداي-اق، شارا بارىسىندا ق ر باس بانكيرى مالايزيانىڭ ورتالىق بانكىنىڭ ءتوراعاسى زەتي احتار ازيزبەن كەزدەستى. كەزدەسۋ بارىسىندا قوس تاراپ ەكى جاقتى ءتيىمدى قارىم-قاتىناستى دامىتۋ مەن يسلام قارجىلاندىرۋ جۇيەسىن ەندىرۋدە مالايزيانىڭ وزىق تاجىريبەسىن تالقىلادى.
سونىمەن قاتار، ق ر باس بانكيرى قايرات كەلىمبەتوۆ پارسى شىعاناعىنىڭ وبليگاتسيالار مەن سۋكۋك قاۋىمداستىعىنىڭ مۇشەلەرىمەن دە جۇزدەستى. ولار ءوز كەزەگىندە الماتى قالاسىنىڭ قارجىلىق كوشباسشى رەتىندەگى ءرولىن جوعارى باعالاپ، الماتىدا وزدەرىنىڭ بولىمشەلەرىن اشۋعا مۇددەلى ەكەندىكتەرىن جەتكىزدى.
ەستەرىڭىزگە سالا كەتەيىك، بۇگىن ەلباسى 10-دۇنيەجۇزىلىك يسلام ەكونوميكالىق فورۋمىنا قاتىسۋ ءۇشىن دۋبايعا كەلدى. اتالعان ەكونوميكالىق شاراعا الەمنىڭ ءجۇز ەلىنەن ەكى مىڭنان استام دەلەگاتتار قاتىسۋدا.
اۆتور: گۇلميرا ءعوسمانالي
