ادامزات بولاشاعىنا قاتىستى وزەكتى ماسەلەلەر قازاقستاندا تالقىلانادى
كوپتەگەن جىلدار بويى مۇنداي كونفەرەنتسيا ەۋروپا مەن امەريكا ەلدەرىندە وتكىزىلىپ كەلدى. وسى جىلى ۇيىمداستىرۋشى كوميتەتتىڭ شەشىمىمەن الەمدىك دەڭگەيدەگى ءىس-شارا قازاقستاندا جانە ونىڭ ىشىندە قازاقستاننىڭ ەڭ ءىرى ۋنيۆەرسيتەتى، ب ۇ ۇ-نىڭ «اكادەميالىق ىقپال» عالامدىق حابىن باسقارۋشى ءال-فارابي اتىنداعى قاز ۇ ۋ-دا وتەدى، دەپ حابارلايدى اتالعان وقۋ ورنىنىڭ باسپا ءسوز قىزمەتى.
قاز ۇ ۋ- مەن بىرگە كونفەرەنتسيانى ۇيىمداستىرۋشىلار: بۇكىل الەمدىك ونەر جانە عىلىم اكادەمياسى، بۇكىلالەمدىك ۋنيۆەرسيتەتتەر كونسورتسيۋمى، عالىمداردىڭ ەۋرازيالىق ەكونوميكالىق كلۋبى، ريمدىك جانە مادريدتىك كلۋبتار، حالىقارالىق جاسىل كرەست، سونىمەن قاتار ءىرى حالىقارالىق قوعامدىق بىرلەستىكتەر، جوو جانە قورلار. كونفەرەنتسياعا ILO، يۋنەسكو، پروون، OECD، حالىقارالىق ەۋروپالىق قوزعالىس، بولاشاق دامۋدىڭ الەمدىك قورى جانە باسقا الەمدىك ۇيىمدار قاتىسادى.
شارا زياتكەرلەردىڭ بىرەگەي الەمدىك، ايگىلى قوعام جانە مەملەكەت قايراتكەرلەرى، ادامزاتتىڭ جاھاندىق ماسەلەلەرىن شەشۋگە باعىتتالعان، جاڭا پاراديگما جاساۋداعى بەلگىلى وتاندىق جانە شەتەلدىك مامانداردىڭ پىكىر الماسۋ الاڭى بولىپ تابىلادى.
قازاقستاندا وتەتىن كونفەرەنتسيانىڭ باستى ەرەكشەلىگى - ءبىزدىڭ مەملەكەت باسشىسى ن. ءا. نازاربايەۆتىڭ باستاماسىمەن، الەمنىڭ 4 ميلليوننان استام قولدانۋشىلارىنىڭ باسىن قوساتىن بۇنداي جيىننىڭ G- Global - جاھاندىق پىكىر الماسۋ الاڭى تاقىرىندا ءوتۋى.
الماتىداعى كەزدەسۋ زاماناۋي الەم قالىپتاسۋىن جەتىلدىرۋدى تالقىلاۋ جانە تەرەڭ زەرتتەۋ، دامۋدىڭ جاڭا پاراديگماسىن ىزدەۋ ماقساتىندا ۇلكەن حالىقارالىق قوعامدىق ورتا مەن عىلىمي-ءبىلىم بەرۋ قاۋىمداستىقتارىنىڭ باسىن قوسپاق.
تانىمال شەتەلدىك جانە وتاندىق ساراپشىلار، ءىرى مەملەكەت جانە قوعام قايراتكەرلەرى، الەمگە اتى بەلگىلى عالىمدار ءبىلىم بەرۋ رەفورمالارى، عىلىمنىڭ الەۋمەتتىك جاۋاپكەرشىلىگى، ەكونوميكا مەن ەكولوگيانىڭ بىرىگۋى، جۇمىسپەن قامتۋ، قۇقىقتىڭ ۇستەمدىك قۇرۋى، الەۋمەتتىك تۇراقتىلىق، قاۋىپسىزدىك ماسەلەلەرىن تالقىلايدى.
قازاقستان بەدەلى، G- Global فورماتىنداعى ديالوگتىڭ قۇرىلىمى، ءىرى عىلىمي ويلاردىڭ توپتاسۋى كۇن تارتىبىندەگى تاقىرىپ بويىنشا ادامزات وركەنيەتىنىڭ وزەكتى ماسەلەلەرىن شەشۋگە ىقپال ەتەتىن ءتيىمدى ۇسىنىستاردى جاساپ شىعارۋعا دەگەن سەنىمدىلىكتى نىعايتا تۇسەدى.
