باس ءمۇفتي «التىن جۇرەك» سىيلىعىنىڭ يەگەرىن ماراپاتتادى - فوتو
اقتوبەلىك تالعات مارات ۇلى بىرنەشە جىلدان بەرى ءوز قارجىسى ەسەبىنەن اۋىلعا جول سالىپ، ءبىلىم مەكەمەلەرىنىڭ قۇرىلىسىنا كومەكتەسكەن. «جىلدىڭ قايىرىمدى جانى» نوميناتسياسىن يەلەنگەن تالعات مارات ۇلىنىڭ سىيلىعىن باس ءمۇفتي ەرجان قاجى مالعاجى ۇلى ءوز قولىمەن تابىستاپ: «وسىنداي قايىرىمدىلىق جوبانى جىل سايىن جۇزەگە اسىرىپ كەلە جاتقان جاندارعا ءوزىمنىڭ جانە قازاقستان مۇسىلماندارى ءدىني باسقارماسىنىڭ اتىنان العىسىمدى بىلدىرەمىن. پايعامبارىمىز (س. ع. س. ) ءبىر حاديسىندە: «ەڭ جاقسى ادام - قوعامعا پايداسى تيگەن ادام»، - دەگەن. قوعامدا قايىرىمدى جاندار كوبەيسە، ىزگىلىك پەن يگىلىكتەردىڭ ەسىگى اشىلادى»، - دەدى.
«التىن جۇرەك» جوباسىنىڭ ۇيىمداستىرۋ كوميتەتى جىل سايىن قوعامدا ءتۇرلى سالالار بويىنشا قايىرىمدىلىق شارالارىنا مۇرىندىق بولعان جاناشىر جانداردى ماراپاتتاپ كەلەدى. 8 جىلدىق تاريحى بار «التىن جۇرەك» جوباسى ۇلتتىق جوباعا اينالىپ تا ۇلگەردى.
