وزگە ۇلت وكىلدەرى ءتىل ۇستارتتى

وبلىستىق مادەنيەت، ارحيۆ جانە قۇجاتتاما باسقارماسى مەن وبلىستىق دوستىق ءۇيىنىڭ مۇرىندىق بولۋىمەن ۇيىمداستىرىلعان شارانىڭ ماقساتى وزگە ۇلت جاستارىنىڭ مەملەكەتتىك تىلگە دەگەن قىزىعۋشىلىعىن ارتتىرۋ، ءتىل مادەنيەتىن دامىتۋ بولىپ تابىلدى.

سايىستىڭ شارتى بويىنشا وندا 18-35 جاس ارالىعىنداعى قازاق ءتىلىن بىلەتىن وزگە ۇلت وكىلدەرى باق سىناستى. بايقاۋ سالەمدەسۋ، شىعارما جازۋ، سۇراق- جاۋاپ، مانەرلەپ وقۋ جانە ءوز ونەرىن كورسەتۋ كەزەڭدەرىنەن تۇردى.

سونىمەن، قازىلار القاسىنىڭ ۇيعارىمىمەن I ورىندى «ۆيارا» ەتنومادەني بىرلەستىگىنىڭ وكىلى فەدور بوشكوۆ جەڭىپ الدى. ال ودان كەيىنگى جۇلدەلى ورىنداردى «ازەربايجاندار اسسوتسياتسياسىنىڭ» مۇشەسى ساحاۆات اسادوۆ پەن مارتوك اۋدانىنا قاراستى نەمىس ەتنومادەني بىرلەستىگىنىڭ مۇشەسى ناتاليا تريبۋس ءوزارا ءبولىستى. جەڭىمپاز بەن جۇلدەگەرلەر، سونداي-اق، قاتىسۋشىلار باعالى سىيلىقتارمەن جانە ديپلومدارمەن ماراپاتتالدى، دەپ جازادى «ەگەمەن قازاقستان» گازەتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى