قازاقستان اتىنان «الەم ارۋى» بايقاۋىنا قاتىساتىن ارۋ انىقتالدى
ايداي يسايەۆا رەسمي تۇردە كونكۋرسقا تىركەلدى، ەندى ول - «الەم ارۋى» قاتىسۋشىسى. بۇعان دەيىن جەرگىلىكتى ۇيىمداستىرۋشىلار حالىقارالىق بايقاۋدىڭ وتەتىن ۋاقىتى بەلگىسىز بولعاندىقتان، رەسپۋبليكانىڭ اتىنان كىمنىڭ شىعاتىنىن رەسمي تۇردە حابارلاي الماعان ەدى.
«الەم ارۋى-2014» بايقاۋى ا ق ش- تىڭ مايامي قالاسىندا 25 - قاڭتاردا وتەدى.
ايداي بايقاۋعا بەلسەندى تۇردە دايىندالىپ جاتقانىن، جاتتىعۋ زالىنا بارىپ، شەت ءتىلىن مەڭگەرىپ جۇرگەنىن جەتكىزدى. ازىرشە ايداي كونكۋرسقا قانداي كيىم كيىپ شىعاتىنىن ناقتىلامادى، ءبىراق ول وتاندىق ديزاينەر نايل بايكۇشىكوۆتىڭ كەشكى كويلەگىن كيىپ شىققىسى كەلەتىنىن ايتقان.
«الەم ارۋى-2014» كونكۋرسىنىڭ فينالىنا ەكى اپتا قالعاندا ماياميدە 126 ەلدىڭ قىزدارى جينالادى. وندا ولار دايىندالىپ، قايىرىمدىلىق جۇمىستارمەن اينالىسادى.
كونكۋرس 200 ەلدە تىكەلەي ەفيردە كورسەتىلەدى. جەڭىمپازعا ءتاجدى ۆەنەسۋەلا ارۋى گابريەلا يسلەر كيگىزەدى.
