قىتايدا توسىن عيمارات سالۋعا تىيىم سالدى

بۇل تۋرالى قىتاي حالىق رەسپۋبليكاسىنىڭ ءتوراعاسى شي جينپيڭ ءمالىم ەتتى.

بۇل رەتتە ول ورتالىق تەلەارنا CCTV- دىڭ عيماراتىن تىلگە تيەك ەتتى.

حالىق اراسىندا اتالعان تەلەارنانىڭ عيماراتى «ۇلكەن دامبال» دەپ اتالىپ كەتكەنى بەلگىلى.

اقيقاتىن ايتار بولساق، اتالعان مۇنارا گوللاند ساۋلەتشىسى رەم كولحاس جوباسىمەن سالىنعان جانە بۇل عيماراتتى حالىق «دامبال» دەپ اتايدى ەكەن.

قىتايدىڭ ساۋلەت ونەرى الەم حالقىن تاڭعالدىراتىنى جاسىرىن ەمەس. 2012 - جىلى العاش رەت قىتاي ساۋلەتشىسى ۆان شۋ نوبەل سىيلىعىنا پارا-پار ماراپاتقا يە بولدى.

ءبىراق كەيىنگى كەزدە ەلدە سىرتقى كەلبەتى تۇرپايى، ءبىر ءتۇرلى عيماراتتار دا سالىنا باستادى. پەكيندە دە، ەلدىڭ باسقا ايماعىندا دا مۇنداي ساۋلەت ونەرى كوپ. مىسالى، Galaxy SOHO كەشەنىندەگى جۇمىرتقا پىشىندەس ءۇي، «قۇستىڭ ۇياسى» ورتالىق الاڭى، 10 قاباتتان تۇراتىن الەمدەگى ەڭ ۇلكەن «شاينەك- باسپانا» ءۇيى، «بوتەلكە- عيمارات»، تاعى باسقا نىساندار تولىپ جاتىر.

راسىندا، مۇنداي ديزاينمەن ەلدىڭ ساۋلەتىن ايشىقتانا تۇسەتىن بولار. ءبىراق شىعىستىڭ ءوز ونەرى بار. قىتاي حالىق رەسپۋبليكاسىنىڭ ءتوراعاسى شي جينپيڭنىڭ توسىن عيماراتتاردى سالۋعا تىيىم سالۋىندا دا وسىنداي ساياسات جاتقان بولار.

دايىنداعان بەرىك بەيسەن ۇلى

«ايقىن»

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى