قارجى ءمينيسترى بالاعاتتاعانى ءۇشىن قىزمەتىنەن كەتتى
ءوزىنىڭ الەۋمەتتىك جەلىدەگى پاراقشاسىندا ەل پرەزيدەنتى تووماس حەندريك يلۆەس «ۇكىمەت مۇشەسى ءوز ارىپتەسىن ونىڭ ۇلتىنا، جىنىسىنا قاراماستان نامىسىنا ءتيىپ سويلەمەۋى كەرەك، سوزگە دە اباي بولۋى قاجەت» دەپ اتاپ كورسەتتى.
پرەزيدەنتتىڭ بۇل سوزىنەن كەيىن ينتەرنەتتە قارجى ءمينيسترىنىڭ ءسوزىن سىناعان پىكىرلەر تولىپ كەتتى.
- ءبارىن تارازىعا سالا كەلە مەن مينيسترلىكتەن كەتكەندى ءجون كوردىم. ماعان قىزمەتتەن گورى ەستون مەملەكەتىنىڭ قۇنى ماڭىزدىراق. ۇكىمەتتىڭ ءماندى ماسەلەلەردى شەشۋى ءۇشىن ورىنتاعىمدى بوساتتىم، - دەدى يۋرگەن ليگي.
سونداعى داۋدىڭ باسى نە؟ ءمان بەرەتىندەي دە نارسە ەمەس. ءوز سوزىندە ءبىلىم جانە عىلىم ءمينيسترى ەۆگەني وسينوۆسكي «بۇدان 23 جىل بۇرىن ك س س ر و-نىڭ تاراعانىنا قازىر رەسەيدى كىنالاي بەرۋ دۇرىس ەمەس» دەگەن بولاتىن.
بۇعان قارسى يۋرگەن ليگي ءوزىنىڭ «فەيسبۋگ» پاراقشاسىندا «قىزىلدار ەلىنەن كەلگەن يمميگرانت بالاسىنىڭ دۇرىستاپ سويلەگەنى ابزال» دەپ جازعان. وسى پىكىر ەستونيادا ساراپشىلار مەن بيلىكتەگىلەر اراسىندا قىزۋ پىكىر تۋعىزدى.
«ايقىن»
