اۋعانستاندا سوعىس اياقتالدى
دۇربەلەڭگە تولى ەل ەندى مەملەكەتتىڭ تىنىشتىعىن ءوز قولىنا الماق.
تۇراقتىلىقتى ساقتاۋ ەلدىڭ قاۋىپسىزدىك قىزمەتىنە تاپسىرىلىپ وتىر.
ا ق ش پەن ۇلى بريتانيا الداعى ۋاقىتتا ەلدەن ءوز اسكەرىن مۇلدە شىعاراتىنى تۋرالى ءمالىم ەتتى. جەكسەنبى كۇنى گيلمەند پروۆينسياسىنداعى اسكەري بازادا قوس ەلدىڭ تۋى تومەن ءتۇسىرىلدى. ۇلى بريتانيا قورعانىس ءمينيسترى ەندى بارلىق قاۋىپسىزدىك شارالارىن الداعى ۋاقىتتا ۇلتتىق قاۋىپسىزدىك كۇشتەرى باقىلاۋعا الاتىنىن اتاپ ايتتى.
وسى ۋاقىتقا دەيىن ۇلى بريتانيانىڭ 10 مىڭ اسكەرى اۋعان جەرىندە بولدى. ۇرىس بارىسىندا ولار 453 ساربازىنان ايىرىلدى. ەندى ولاردىڭ بىرنەشە اسكەري ماماندارى عانا كابۋلداعى اكادەميادا قالادى. ولار كابۋلدەگى اسكەري اكادەميادا اۋعان وفيتسەرلەرىنە ساباق بەرەدى.
ءبىراق قاۋىپسىزدىكتى قامتاماسىز ەتۋ جونىندەگى حالىقارالىق بىتىمگەرلىك كۇشتەرىنىڭ 12 مىڭ ادامى ەلدە بولىپ، تۇراقتىلىقتى قاداعالايتىن بولادى.
بەرىك بەيسەن ۇلى
«ايقىن»
