بۇرىن حريستيان، بۋدديزمءدىنىن ۇستانعان شىمكەنت تۇرعىنى يمام بولىپ ءجۇر
ايتۋىنشا، ول حريستيان دىنىنەن كەيىن بۋدديزمدى قابىلداعان.
ءبىراق وتانىنا ورالعان سوڭ يسلامدى قابىلداپتى. ەندى ءبىر اۋىلدىڭ اقىل بەرىپ، جول كورسەتەر اقساقالى اتانىپ وتىر. شىمكەنتتە تۇراتىن بولاتبەك نۇرمانوۆپەن كەزىندە شاوليننىڭ بارلىق مەكتەبىندە اسكەري شەبەرلىك سىنىپتار ساباعى ءجۇرىپ وتىرعان.
سولادىڭ بىرىنە قابىلدانعان بولاتبەك نۇرمانوۆ كۇن سايىن سپورتپەن شۇعىلدانىپ، ءۇش جارىم جىل سوندا تاربيەلەنىپتى.
ەندى سول ادەتى بويىنشا ءار تاڭىن دەنەسىن شىنىقتىرۋمەن باستايدى.
بولاتبەك اقساقال "وقىپ جۇرگەندە، ءۇش جارىم جىلدا تەك ءبىر اي عانا دەمالىس بەرىلەتىن. كۇندىزگى جاتتىعۋ سەگىزدە، ازاندا - ۇشتە، كەشكىسى - بەستە باستالادى. دەنەشىنىقتىرۋ ادامنىڭ شىنايى كەلبەتىن كورسەتەدى. دەسە دە وزىندىك قيىندىقتارى بار. سەگىز ايدا ءبىر رەت دۇرىس سوققى جاساۋدى ۇيرەندىم"، - دەپ ءتارتىپتىڭ تىم قاتال بولعانىن ەسكە الادى يمام.
موناستىردە سپورت شەبەرى قىزمەتىن اتقارعان بولاتبەك نۇرمانوۆ بىرنەشە رەت شارشى الاڭعا دا شىققانىن جاسىرمادى. ءتىپتى سوڭى ءبىر سپورتشىنىڭ ولىمىنە اكەپ سوعىپتى.
توقسانىنشى جىلدارى نۇرمانوۆتى دوكەيلەر وققاعارلىققا شاقىرىپتى. اتىشۋلى قىلمىستىق توپتىڭ مۇشەلەرى وزدەرىن جەكپە-جەككە دايىنداۋعا دا ۇسىنىس جاساپتى.
الايدا، ول ادام بالاسىنا زيان كەلتىرمەيمىن دەگەن سەرت ۇستانىپ، ءبىرجولا دىنگە بەت بۇرعان ەكەن.
قازىر بەس ۋاقىت ماڭدايىن ساجدەگە تيگىزىپ، نامازعا جىعىلعان اقساقال اۋىلدىڭ كوپتى كورگەن سىيلى ازاماتىنا اينالعان.
