جەلتوقسان ايىنان باستاپ بەرىلەتىن جەكە كۋالىك قانداي بولماق؟ - فوتو
قازاقستان رەسپۋبليكاسى ۇكىمەتىنىڭ 2013 - جىلعى 4 - شىلدەدەگى № 684 قاۋلىسىنا وزگەرىستەر ەنگىزۋ تۋرالى» قازاقستان رەسپۋبليكاسى ۇكىمەتىنىڭ № 1133 قاۋلىسىمەن يەسىنىڭ ءتۇرلى- ءتۇستى فوتوسۋرەتىمەن قازاقستان رەسپۋبليكاسى ازاماتىنىڭ جەكە كۋالىگىنىڭ ۇلگىسى بەكىتىلىپ، 2014 - جىلعى 1 - جەلتوقساننان باستاپ جاڭا ۇلگىدەگى جەكە كۋالىكتەردىڭ شىعارىلۋى جوسپارلاندى، دەپ حابارلايدى ق ر ءى ءى م باسپا ءسوز قىزمەتى.
قازاقستان رەسپۋبليكاسى ازاماتىنىڭ جاڭا جەكە كۋالىگىنىڭ ديزاينى وزگەرتىلىپ، قارا- اق ءتۇستى فوتوسۋرەت ءتۇرلى- ءتۇستى فوتوسۋرەتكە الماستىرىلىپ، قۇجاتتىڭ ءتۇس گامماسى، اشىقتىعى جانە انىقتىعى جاقساردى.
جەكە كۋالىكتى جاساندى جاساۋدان قورعاۋدىڭ بارلىق دەڭگەيلەرى ساقتالا وتىرىپ، جاڭا ەلەمەنتتەرمەن تولىقتىرىلعان.
اتاپ ايتقاندا، قۇجاتتى قورعاۋدىڭ قوسىمشا ەلەمەنتى ەنگىزىلدى: جەكە كۋالىكتىڭ بەتكى جاعىنىڭ وڭ جاعىندا كىشىرەيتىلگەن تۇردە قۇجات يەسىنىڭ گولوگرافيالىق سۋرەتى ورنالاسقان، بۇل جەكە كۋالىكتەردى جاساندى جاساۋدان قورعاۋدىڭ ەڭ جوعارعى دەڭگەيىن كورسەتەدى.
«قازاقستان رەسپۋبليكاسى ازاماتىنىڭ پاسپورتىنىڭ، قازاقستان رەسپۋبليكاسى ازاماتىنىڭ جەكە كۋالىگىنىڭ، شەتەلدىكتىڭ قازاقستان رەسپۋبليكاسىندا تۇرۋىنا ىقتيارحاتتىڭ، ازاماتتىعى جوق ادامنىڭ كۋالىگىنىڭ، بوسقىن كۋالىگىنىڭ ۇلگىلەرىن جانە ولاردى قورعاۋعا قويىلاتىن تالاپتاردى بەكىتۋ تۋرالى» قازاقستان رەسپۋبليكاسى ۇكىمەتىنىڭ 2013 -جىلعى 4 - شىلدەدەگى № 684 قاۋلىسىنىڭ 2-تارماعىنا سايكەس، وسى قاۋلى قولدانىسقا ەنگىزىلگەن كۇنگە دەيىن ازىرلەنگەن ەسكى ۇلگىدەگى قازاقستان رەسپۋبليكاسى ازاماتتارىنىڭ جەكە كۋالىكتەرى، ولاردىڭ قولدانىس مەرزىمى اياقتالعان مەرزىمگە دەيىن جارامدى بولىپ تابىلادى.
وسىلايشا، ءتۇرلى- ءتۇستى فوتوسۋرەتپەن جەكە كۋالىكتەرگە اۋىستىرۋ ازاماتتاردىڭ قالاۋى بويىنشا جۇزەگە اسىرىلاتىن بولادى.
جاڭا جەكە كۋالىكتى بەرۋ ءۇشىن مەملەكەتتىك باج سالىعى بۇرىنعىداي ايلىق ەسەپتىك كورسەتكىشتىڭ 20 پايىزى كولەمىندە، قازىرگى ۋاقىتتا 370,4 تەڭگەنى قۇرايدى.
