قىتايدىڭ الەۋمەتتىك قامتاماسىز ەتۋدە قانداي مىندەتتەر شەشىپ جاتقانىن بىلگىمىز كەلەدى - د. نازاربايەۆا
«ءبىز قىتايدى بۇگىنگى تاڭدا نە الاڭداتاتىنىن، الەۋمەتتىك قامتاماسىز ەتۋ سالاسىندا قانداي مىندەتتەردى شەشىپ جاتقاندارىڭىزدى جانە تاعى نەنى قولعا الاتىندارىڭىزدى بىلگىمىز كەلەدى»، - دەگەن ساۋال قويدى د. نازاربايەۆا اتالمىش مينيسترلىكتىڭ باسشىسى ين ۆەيمينگە كەلىسسوزدەر بارىسىندا.
قىتاي ەلىنىڭ ءمينيسترى قازاقستاندىق پارلامەنتشىلەرگە 2008 - جىلى اكىمشىلىك رەفورمالار ناتيجەسىندە قۇرىلعان ءوز باسقارۋىنداعى ۆەدومستۆونىڭ قىزمەتى مەن ق ح ر باستى الەۋمەتتىك ماسەلەلەرى تۋرالى اڭگىمەلەپ بەردى.
ەلدەگى دەموگرافيالىق جاعدايعا جانە قوعامداعى قۇرىلىمدىق قايشىلىقتارعا توقتالا كەتكەن ول مىسال رەتىندە ەل قالالارىندا جانە اۋىلدارىندا جىل سايىن 15-16 ميلليون جۇمىس كۇشىنىڭ جۇمىسپەن قامتۋدى تالاپ ەتەتىندىگىن جەتكىزدى.
«ولاردىڭ 7 ميلليوندايى - جوعارى وقۋ ورىندارىنىڭ، ال قالعان بولىگى - كوللەدجدەر مەن كاسىبي-تەحنيكالىق ۋچيليشەلەردىڭ تۇلەكتەرى»، - دەپ اتاپ ءوتتى ين ۆەيمين.
بۇل كەزدەسۋگە ماجىلىسمەندەر گۇلنار ىقسانوۆا، گۇلميرا يسىمبايەۆا، نادەجدا پەتۋحوۆا، الدان سمايىل، سۆەتلانا فەرحو، سونداي-اق قازاقستاننىڭ ق ح ر-داعى توتەنشە جانە وكىلەتتى ەلشىسى نۇرلان ەرمەكبايەۆ باستاعان قازاقستاندىق ديپلوماتتار قاتىستى.
