دومبىرانىڭ قۇلاعىندا وينايتىن وزگە ۇلت وكىلدەرى كونسەرت بەرەدى

ق ر مادەنيەت جانە سپورت مينيسترلىگىنىڭ قولداۋىمەن وتەتىن مادەني شارا ق ر تۇڭعىش پرەزيدەنتىنىڭ كۇنى مەن قازاقستان حالىقتارى اسسامبلەياسىنىڭ 20 جىلدىعىنا وراي ۇيىمداستىرىلماق.

 ۇلتتىق مادەني ورتالىقتاردىڭ وكىلدەرى يانيس كايفيدي (ۆوكال) ، ۆاسيليسا مۋرومتسيەۆا (دومبىرا) ، گەورگيي يۋگاي (دومبىرا) ، ايدانا سادىقوۆا (ۆوكال) ، فۋات ماليكوۆ (ۆوكال) ، قالبىنۇر رازيەۆا (ۆوكال) ، «رودينا» كورەي مادەني ورتالىعىنىڭ حورى، «نايري» ارميان بي ءانسامبلى، اباي اتىنداعى مەملەكەتتىك اكادەميالىق وپەرا جانە بالەت تەاترىنىڭ سوليستەرى حاليد نۋراليەۆ، الەكساندر سمەتانين، ولەگ تاتاميروۆ، ايدا چاسوۆيتينا، يلونا تەن، مەملەكەتتىك حور كاپەللاسىنىڭ سوليستەرى سوفيانا بلاگودارنايا، يۆان پرىتكوۆ، «سالتانات» مەملەكەتتىك بي ءانسامبلىنىڭ ءبيشىسى ميلەنا مازۋر، مۋزىكانت گۇلنار جيديلوۆا قازاق ءانى مەن كۇيىن شىرقاپ، قازاقتىڭ ۇلتتىق بيلەرىن بيلەيدى.

ۇيىمداستىرۋشىلاردىڭ ايتۋىنشا، اتالعان فەستيۆال قازاقستاندا تۇرىپ جاتقان بىرنەشە ۇلىستار مەن ۇلتتاردىڭ باسىن بىرىكتىرىپ، قازاقتىڭ قايتالانباس ۇلتتىق ونەرىن ناسيحاتتاۋعا باعىتتالعان.

«ەلباسى ۇلتارالىق دوستىققا كوپ كوڭىل بولەدى. ول قازاقستان حالىقتارىنىڭ اسسامبلەياسى وتىرىسىندا قازاق تىلىندە ەركىن سويلەيتىن وزگە ۇلت وكىلدەرىن كورسە، قاتتى قۋاناتىنىن جەتىزگەن بولاتىن. سونداي- اق، ەلىمىزدە سول ۇلتتاردىڭ وزىندىك مادەنيەتى مەن ءتىلىن ساقتاۋدا بارىنشا جاعداي جاسالعانىن ايتا وتىرۋ كەرەك» ، - دەدى اباي اتىنداعى مەملەكەتتىك اكادەميالىق وپەرا جانە بالەت تەاترىنىڭ ب ا ق- پەن بايلانىس جونىندەگى مەنەدجەرى اسەل مۋسينوۆا.

كونسەرت 28 - قاراشادا الماتىداعى قازاق كونسەرت عيماراتىندا كەشكى ساعات 18:30-دا باستالادى.

اۆتور: گۇلميرا عوسمانالي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى