قوستانايدا قازاق ءتىلىن بىلەتىن ورىس جاستارى اراسىندا «ءتىل - پاراسات» بايقاۋى ءوتتى

بۇل شاراعا 15-22 جاس ارالىعىنداعى جاستار، ونىڭ ىشىندە وقۋشىلار، جوعارى وقۋ ورىندارىنىڭ ستۋدەنتتەرى قاتىستى، دەپ حابارلادى ءوڭىر اكىمىنىڭ باسپا ءسوز قىزمەتىنەن.

بايقاۋ مەملەكەتتىك ءتىلدى مەڭگەرگەن ورىس جاستارىن انىقتاۋ جانە ىنتالاندىرۋ، مەملەكەتتىك تىلگە قۇرمەتپەن قاراۋدى قالىپتاستىرۋ، ءتىل مادەنيەتىنىڭ دەڭگەيىن جانە مەملەكەتتىك ءتىلدىڭ مارتەبەسىن ارتتىرۋ ماقساتىمەن ۇيىمداستىرىلعان.

بايقاۋعا كەلگەن قاتىسۋشىلار، ۇسىنىلعان تاقىرىپ بويىنشا 3 مينۋت ۋاقىت ىشىندە مەملەكەتتىك تىلدە جانە اعىلشىن تىلىندە الىنعان بيلەت ارقىلى تۇساكەسەر جاساۋ، 3-5 مينۋت شاماسىندا ۇسىنعان تاقىرىپ بويىنشا الىنعان بيلەت ارقىلى جۇپپەن ديالوگ قۇرۋ شارتتار بويىنشا وتكىزىلدى.

جانە قاتىسۋشىلار «شابىت جۇلدىزى» شىعارماشىلىق تاپسىرماسىن ورىندادى.

نەبارى 3-5 مينۋت ىشىندە قازاقتىڭ حالىق نەمەسە زاماناۋي ءانىن ورىنداۋ نەمەسە زاماناۋي تەاترلاندىرىلعان ينتەرپرەتاتسياداعى كوركەم شىعارما ءۇزىندىسىنىڭ قويىلىمىن كورسەتتى.

بايقاۋ قورىتىندىسى بويىنشا جۇلدەلى 1- ورىنعا رۋدنىي قالاسى №2 گيمنازياسىنىڭ 10 سىنىپ وقۋشىسى بۋحۆالوۆا ادەلينا يە بولدى.

 Ⅱ ورىندا - مەڭدىقارا اۋدانى پەرۆوماي ورتا مەكتەبىنىڭ اعىلشىن ءتىلى ءپانىنىڭ مۇعالىمى ديۆەل ۆەرا.

ال  Ⅲ ورىندى زاتوبول گينازياسى مۇعالىمى اداموۆيچ ەكاتەرينا ەنشىلەدى. قاتىسۋشىلار ديپلومدارمەن، العىس حاتتارمەن جانە باعالى سىيلىقتارمەن ماراپاتتالدى.

جەڭىمپاز قوستاناي وبلىسىنىڭ نامىسىن رەسپۋبليكالىق بايقاۋدا قورعايتىن بولادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى