قىتايدىڭ الەۋمەتتىك سالاداعى تاجىريبەسى قىزىقتىرادى - داريعا نازاربايەۆا - فوتو
قۇجاتقا ق ر تۇڭعىش پرەزيدەنتى - ەلباسى قورىنىڭ اتقارۋشى ديرەكتورى ساعىندىق نۇراحانوۆ پەن قىتايدىڭ شەتەلدەرمەن دوستىق قوعامىنىڭ ءتوراعاسى لي سياولين قول قويدى.
«ءبىزدى ق ح ر-دىڭ دەنساۋلىق ساقتاۋ، ءبىلىم جانە الەۋمەتتىك قامتاماسىز ەتۋ جاعىنان جيناعان مول تاجريبەسى، سونداي- اق دامۋى مەن قالىپتاسقان ماسەلەلەردى شەشۋ جولى قىزىقتىرادى. ءبىز ارىپتەستەرىمىزبەن تانىسىپ، الداعى ۋاقىتتا ولارمەن تىعىز قارىم-قاتىناس ورناتقىمىز كەلەدى»، - دەدى د. نازاربايەۆا لي سياولينمەن كەزدەسۋ بارىسىندا.
لي سياولين ءوزى جەتەكشىلىك ەتىپ وتىرعان ۇيىم قازاقستان مەن قىتاي اراسىنداعى مادەني-گۋمانيتارلىق ىنتىماقتاستىقتى نىعايتۋعا، سونىمەن قاتار، جىبەك جولىنىڭ ەكونومكالىق بەلدەۋىن دامىتۋعا ات سالىسۋعا نيەتتى ەكەنىن جەتكىزدى.
ەكىجاقتى كەلىسىم جاساۋ شاراسىنا ق ر پارلامەنتى ءماجىلىس دەپۋتاتتارى گۇلنار يكسانوۆا، گۇلميرا يسىمبايەۆا، نادەجدا پەتۋحوۆا، الدان سمايىل جانە سۆەتلانا فەرحو قاتىستى.
ەسكە سالا كەتەيىك، ق ش د ق 1954 - جىلى قۇرىلعان. قازىرگى ۋاقىتتا اتالعان ۇيىم الەمنىڭ 120 ەلىندەگى 370 قوعامدىق بىرلەستىكتەرمەن ارىپتەستىك بايلانىس ورناتقان.
