د. نازاربايەۆا بەيجىڭدە مەكتەپ وقۋشىلارىمەن كەزدەسۋىندە قىتاي تىلىنە دەگەن زور قىزىعۋشىلىعى بار ەكەنىن جەتكىزدى - فوتو

 ءبىلىم ورداسىنىڭ وقۋشىلارى مەيماندار الدىندا ءان ايتىپ، ءوز قولدارىمەن جاساعان ءداستۇرلى ماسكالارىن كورسەتىپ، كالليگرافيا جازۋ شەبەرلىكتەرىن پاش ەتتى.

وقۋشىلاردىڭ ونەرىنە ءتانتى بولعان د. نازاربايەۆا كوپشىلىك الدىندا ءوزىنىڭ قىتاي تىلىنە دەگەن زور قىزىعۋشىلىعى بار ەكەنىن جەتكىزدى.

«مەن قىتاي ءتىلىن وزدىگىنەن ۇيرەنۋگە ارنالعان قۇرال ساتىپ الدىم، ەندى ونىمەن جاتتىعا باستاماقپىن»، - دەدى ول.

 مەكتەپ ديرەكتورى گوحان قوناقتارعا ءبىلىم ورداسىنىڭ اۋديتوريالارى مەن كورپۋستارىن ارالاتىپ كورسەتتى. ايتا كەتەيىك، بۇل وقۋ ورنى 1946 - جىلى سالىنعان جانە ول سول كەزدەگى ق ح ر مەملەكەتتىك كەڭەسىنىڭ پرەمەرى جوۋ ىنلايدىڭ جارلىعىمەن بەيجىڭ جانە شينحۋا ۋنيۆەرسيتەتتەرىنىڭ اراسىندا ورنالاسقان «يۋانميڭيۋان» («انىق ناقتىلىق ساياباعى» ) ساياباعىنىڭ اۋماعىنا كوشىرىلگەن. ونىڭ اۋماعى - 20 گ ا، مۇندا جاساندى كول دە بار.

قازىرگى ۋاقىتتا مەكتەپتە 3 مىڭنان استام بالا وقيدى. ولاردىڭ وقۋ كەشەنىندە ساندىق عىلىمي- زەرتتەۋشىلىك، مولەكۋلالىق جانە استرونوميالىق زەرتحانالار، جالپى سىيىمدىلىعى 600 ادامدى قۇرايتىن 7 كومپيۋتەرلىك سىنىپ پەن مەتەرولوگيالىق ستانسا ت. س. س. قامتىلعان.

 مەكتەپ كامپۋسى تولىقتاي سىمسىز عالامتورمەن جابدىقتالعان. ونىڭ كىتاپحاناسىندا 130 مىڭنان استام كىتاپ قورى بار. سونداي- اق مۇندا اۋماعى 1500 شارشى مەتر بولاتىن تەحنيكالىق زەرتحانالىق ۋچاسكە، 600 شارشى مەترلىك جىلىجاي، 100 ادامدىق مۋزىكالىق زال، ستاديون، ۆولەيبول، تەننيس ويناۋعا، شىعىس جەكپە- جەكتەرىمەن اينالىسۋعا ارنالعان سپورت زالدارى، ەكى فۋتبول الاڭى، ءتورت تەننيس كوردى، التى ۆولەيبول الاڭى قاراستىرىلعان. ءار بولمەسى 4 ادامدىق 4 جاتاقحانا دا وسى مەكتەپتىڭ وقۋشىلارىنا ارنالعان.

ءبىلىم مەكەمەسىنىڭ ۇستازدارىنىڭ باسىم بولىگى ماگيستر جانە دوكتور عىلىمي دارەجەلەرىنە يە. ولاردىڭ كەيبىرى قىتايدىڭ ەڭ ۇزدىك پەداگوگى اتانعاندار، ال مۇنداعى ءبىلىم الۋشىلار بىرنەشە رەت مەملەكەتتىك پاندىك وليمپيادالاردىڭ جەڭىمپازدارى بولعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى