د. نازاربايەۆا قىتايدىڭ جوعارى وقۋ ورىندارىنىڭ جانىنان اباي ينستيتۋتتارىن قۇرۋدى ۇسىندى - فوتو
مۇنداي ۇسىنىستى ق ر پارلامەنتى ءماجىلىسى ءتوراعاسىنىڭ ورىنباسارى داريعا نازاربايەۆا ق ح ر ءبىلىم ءمينيسترى يۋان گۋيجەنمەن كەزدەسۋى بارىسىندا ءبىلدىردى.
«قازاقستانداعى جەتەكشى جوعارى وقۋ ورىندارىنىڭ نەگىزىندەگى ءتورت كونفۋتسي ينستيتۋتى ەكى ەل اراسىندا سەنىمدى قارىم- قاتىناستاردى قالىپتاستىرۋ جانە سىزدەردىڭ ەلدەرىڭىز تۋرالى ءبىلىم كوكجيەگىن ارتتىرۋ ءۇشىن كوپ ىستەر اتقارۋدا. كەلەسى جىلى ءبىزدىڭ ەلىمىزدە ايتۋلى داتا - قازاقتىڭ ۇلى ويشىلى، فيلوسوفى جانە اقىنى اباي قۇنانباي ۇلىنىڭ تۋعانىنا 170 جىل تولۋ مەرەيتويى اتاپ وتىلمەك. بەيجىڭدە ۇلى اقىنعا ارنالعان ەسكەرتكىش ورناتىلعان. ەندى ءبىز ق ح ر- داعى جەتەكشى جوعارى وقۋ ورىندارىنىڭ بازاسىندا اباي ينستيتۋتتارىنىڭ قۇرىلسا، قۋانار ەدىك»، - دەدى قازاقستاندىق دەلەگاتسيا باسشىسى.
ءوز كەزەگىندە قىتايداعى ءبىلىم سالاسىنىڭ جاي- جاپسارىنا توقتالعان يۋان گۋيجەن ق ح ر ۇلتتار ۋنيۆەرسيتەتىندە قازاق ءتىلى كافەدراسى جۇمىس جاسايتىنىن، ونىڭ قازىرگى كەزدە قازاقستان حالقىنىڭ مادەنيەتى مەن داستۇرلەرىن زەرتتەپ- زەردەلەۋدە ماڭىزدى ءرول اتقارىپ وتىرعانىن اتاپ ءوتتى.
ايتا كەتەيىك، بۇل كەزدەسۋگە ماجىلىسمەندەر گۇلنار ىقسانوۆا، گۇلميرا يسىمبايەۆا، نادەجدا پەتۋحوۆا، الدان سمايىل، سۆەتلانا فەرحو، سونداي- اق قازاقستاننىڭ ق ح ر- داعى توتەنشە جانە وكىلەتتى ەلشىسى نۇرلان ەرمەكبايەۆ باستاعان قازاقستاندىق ديپلوماتتار قاتىستى.
