ءسابينا التىنبەكوۆا ۆەتنامدا نە ىستەپ ءجۇر؟ - فوتو
قازاق سپورتشىسىنىڭ ۆەتنامعا نە ءۇشىن بارعانى ازىرگە بەلگىسىز. الايدا، جەرگىلىكتى اقپارات قۇرالدارىنىڭ حابارلاۋىنشا، التىنبەكوۆا ۆەتنامعا جەرگىلىكتى بەلگىلى انشىلەردىڭ بىرىمەن كەلىسىم-شارتقا وتىرۋ ءۇشىن كەلگەن.
ۆەتنامدىق جۋرناليستەر قازاق قىزىن اۋەجايدا بىلدىرمەي، سىرتىنان ءتۇسىرىپ العان. ەستەرىڭىزدە بولسا، ءسابينا التىنبەكوۆا تايپەيدە وتكەن قۇرلىقتىق بىرىنشىلىكتەن كەيىن ونىڭ ەسىمى ءاپ-ساتتە الەمگە جايىلعان بولاتىن. وسىدان كەيىن بىرنەشە اپتانىڭ ىشىندە الەۋمەتتىك جەلىلەردە ونىمەن دوس بولۋعا نيەت بىلدىرگەندەر سانى جۇزدەگەن مىڭعا جەتتى. ونىڭ جانكۇيەرلەرى قازاق قىزىنىڭ سۇلۋلىعىنىڭ الدىندا باس يگەن.
ءسابيناعا الەمنىڭ ءتورت بۇرىشىنان جارناما جانە مودەل بيزنەسىمەن اينالىساتىنداردان كەلىسىمدەر جاڭبىرشا جاۋدى. سونىمەن قاتار، تايلاندتىق ەڭ مىقتى كلۋبتاردىڭ ءبىرى دە ونى ءوز قۇراماسىنا شاقىردى. الايدا، وتانداسىمىز بارلىق ۇسىنىستاردان باس تارتىپ، تۇپكىلىكتى تۇردە سپورتپەن اينالىساتىنىن جەتكىزگەن.
BNews.kz
